هەواڵی کوردستان ئێستا

شەفەق نیوز/ نرخ دۆلار ئەمریکی وەرانەور دینار عراقی، ئمڕوو شەممە، لە بازاڕەیل بەغداد پایتەخت، وەگەرد بەسیان بۆرسە لە رووژەیل پشوو فەرمی داوەزیان توومار کرد.

پەیامنێر ئاژانس شەفەق نیوز وت: بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 151350 دينار عراقی وەرانەور 100 دۆلار ئەمریکی دەرەیلیان بەسان.

شەوەکی ئمڕوو، نرخ 100 دۆلار ئەمریکی رەسیە 152200 دينار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن 100 دۆلار ئەمریکی رەسیە 152500 دينار عراقی، و نرخ سەنینی رەسیە 150500 دينار عراقی.

هەرلیوا، محمد حەسەنی پسپۆڕ ئابووری ئەرا ئاژانس شەفەق نیوز ئاشکرای مدووەیل ئی داوەزیانە کرد کە وت: لە ئەنجام کەمەوکردن ریژەی سوود لە 7.5٪ ئەرت 5.5٪ وەلایەن بانک ناوەندی عراق تبەێد، دویای داوەزیان ریژەی پەنام لە عراق کە وەبان داوەزیان نرخ دۆلار لە بازاڕەیل ناوخوەیی شکیاوە.

 شەوەکی ئمڕوو، نرخ دۆلار ئەمریکی وەرانەور دینار عراقی، شەوەکی ئمڕوو، داوەزیان کەمیگ لە بازاڕەیل بەغداد، و لە هەولێر پایتەخت هەرێم کوردستان توومار کرد.

 پەیامنێر ئاژانس شەفەق نیوز وت: نرخ دۆلار وەگەرد وازکردن بۆرسەیل کیفاح و حارسیە داوەزیان توومار کرد، کە رەسیە 152250 دينار عراقی وەرانەور 100 دۆلار ئەمریکی.