هەواڵی کوردستان ئێستا

شەفەق نیوز/ فەرماندەیی ئۆپراسیۆنەیل هاوبەش، ئمڕوو شەممە، پەیاکردن تەرم چوار تیرۆست خوەرهەڵات پارێزگای سەڵاحەدین راگەیان، لە ئەنجام گورزیگ ئاسمانی عراقی.

فەرماندەییەگە لە بەیاننامەیگ رەسیە ئاژانس شەفەق نیوز وت: لە وەشوینکەفتن هونەری خەسیگ تا ماوەی چوار رووژ، و زانیارەیل هویرد و رەنجەیل مەیدانی وەردەوام و جیاواز وەلایەن هەواڵگری سەربازی لە گشت کەرتەیل وەرپرسایەتی، کە رەسیە دیاریکردن شوین و جموجویل مەفرەزەیل تیرۆری لە 4 ئەندام لەناو دیوەخانیگ لە کەرت پەڵکانە لە خوەرهەڵات سەڵاحەدین.

وتیش: دویای شیەوکردن زانیاریەیل و خەسەوکردن تەقەلای هونەری وەلایەن شانەی وەئامانجگردن لە فەرماندەیی ئۆپراسیۆنەیل هاوبەش، پاڵەوانەیل ئاسمانی وە فڕۆکەیل F_16 لە ساعەت 1750 ئمڕوو جمعە، گورزیگ سەرکەفتگ جیوەجی کردن، و دیوەخانەگە کردە رمیاگیگ رمانە بان سەر تیرۆریستەیل و کوشتەیان، و لە بنەمای ئی زانیاریەیلە ئی دیوەخانە چەک و عەتاد و تەقەمەنی و کەرەستەیل لۆجیکی و هونەری لەناوی بوی.