هەواڵی کوردستان ئێستا

شەفەق نیوز/ پولیس ناوخوەیی، ئمڕوو شەممە، خەوەردا لە کوشیان مناڵیگ و زەخمداری براگەی لە ئەنجام تەقیان جیماگەی جەنگی ریخریاگ داعش لە باشوور بەغدای پایتەخت.

سەرچەوەگە ئەرا ئاژانس شەفەق نیوز وت: مناڵیگ لەداڵگبوی ساڵ 2012 گیانی لەدەسدا و براگەی زەخمدار بوی لە ئەنجام تەقیان بومبیگ لە جیماگەیل ریخریاگ داعش لە ناوچەی ئەحمەد سهێل لە ناحیەی یوسفیە باشوور بەغدا.

سەرچەوەگە وتیش: هیزیگ ئەمنی رەسیە شوین رویداوەگە، و تەرمەگە ئەرا پزشک دادوەری برد، و زەخمدارەگە ئەرا خەسەخانە کل کرد.

یە دویەم رویداوە لەی جویرە لە خود ناوچەگە وەماوەی کەمتر لە بەم هەفتە کە وەرجەیە سێ کەس وە تەقیان بومبیگ لە جیماگەیل جەنگی زەخمدار بوین، کە مەوقەی پاکەوکردن زەوییگ وەلایەن خاوەنی لە ناوچەی سەید عەبدوڵڵا لە ناحیەی یوسفیە تەقیەو.