دویای سێ مانگ وەشوینکەفتن.. ئەمن عراقی بازرگانەیلیگ هووشبەری و ئایەم دەسگیر کەێد
شەفەق نیوز/ دەزگای ئاسایش نیشتمانی عراق، ئمڕوو سێشەممە، دەسگیرکردن سێ بازرگان هووشبەری و ئایەم لە ئەنبار و بەسرە راگەیان، ئەوەیش دویای سێ مانگ وەشوینکەفتن.
راگەیانن دەزگاگە لە بەیاننامەیگ رەسیە ئاژانس شەفەق نیوز وت: مەفرەزەیلی لە بەسرە توەنستن دوو بازرگان هووشبەری ناودەوڵەتی دەسگیر بکەن، کە بڕەیل کەورەیگ لە مادەی کریستال هووشبەر وەپییان گریا، و دیاری کرد کە لەناو لێکۆڵینەوە ئاشکرا کردن کە هووشبەری لە دەوڵەتەیل هاوسا هاوردنە، و پەیوەندی وە باندەیل هەرێمی دیرن، هەمیش دەسیان لەناو قاچاخی کراکارەیل بیگانە بویە.
لەلاییگ ترەک، دویای وەشوینکەفتن تا ماوەی سێ مانگ، مەفرەزەیل دەزگاگە یەکیگ لە دیارترین بازرگانەیل هووشبەری لە پارێزگای ئەنبار دەسگیر کردن، دیاری کرد کە توومەتبارەگە لە دیارترین بازرگانەیل هووشبەریە لە قەزای رەمادی، و بازرگانی و حەب هووشبەر کەێد.
دویای وەرگردن مووڵەت دادوەری، هیزیگ ئەمنی ئەو توومەتبارە وە تاوانەو گرد، و شەش هەزار حەب هووشبەر کیبتاگۆن لەلای گریا، و وەگورەی مامەی 29 هووشبەری دەسگیر کریا.
