ژينگەی عراق: چالاکی شەوانە خەڵک بەغداد تاسنێد
شەفەق نیوز/ وەزارەت ژینگەی عراق، ئمڕوو چوارشەممە، ئاشکرای مدووەیل گلەوخواردن بووەیل8و بەرزەوبوین خەسی پیسبوین لە ئاسمان بەغداد پایتەخت کرد، کە وت؛ لەوەر رکداری بەشیگ لە چالاکییەیل پیشەسازی و شارەوانی لەبان کارەیلیان وە شەوانە تیەێد.
وەگورەی قسەی جینشین هونەری وەزارەت زینگە، جاسم فەلاحی، ئەرا ئاژانس شەفەق نیوز، هەرچەن کەشوهەوا دەسمیەتی دەێد لە هەڵسیان ئەو بووەیلە، وەلێ گیچەڵ گەورەیگ هەس لە رکداری بەشیگ لە چالاکییەیل پیشەسازی لە پابەندنەوین وە بڕیارەیل بەسیانە پشتبەسین وە شیوەی سزاننیگ کە ئاسانترین دیاریکریایەیل زینگەیی شکنێد.
فەلاحی وتیش: راپۆرتەیل وەڕیەوبەرایەتی ژینگەی بەغداد، دیارترین مدووەیل بەرزەوبوین پیسبوین ئاشکرا کرد، کە چوودەو ئەرا وەردەوامی سزانن بەد لە کارخانەیل خشت و کوورەیل تاویان نایاسایی و قیل لە نەهرەوان و بەشیگ لە ناوچەیل بەغداد، وەگەرد سزانن زواڵەی وەردەوام لە موعەسکەر رەشید و بەشیگ لە شوینەیل گردەوکردن زواڵە، هەرچەن ناوەندەیل شارەوانی سەروە ئەمیندارێتی بەغداد و لایەنەیل پەیوەندیدار ئەرا ئەو ئەرکە هەس.
وتیش: راپۆرت مانگانەی وەزارەتەگە کە ئەوەسا خەێدەی وەردەس ئەنجومەن وەزیرەیل، ناو و ناونیشان ئەو کارەیل وەردەوامە و لایەنەیل کەرتی پەیوەندیدار وە وسانن ئەو کارەیلە خریەێدە ناوی.
