کارەبای عراق کەفێدە بەرزترین ئامادەباشی ئەرا نواگردن کەشوهەوا و وارانەیل
شەفەق نیوز/ زیاد عەلی فازڵ، وەزیر کارەبای عراق، ئمڕوو جمعە، فەرمان وە گشت میلاک وەزارەتگە وە ئامادەباشی تەواو وە بەرزترین پلە دا، ئەرا نواگردن بەدی کەشوهەوا و پشتگیریکردن تەقەلای ئەمیندارێتی بەغداد و فەرمانگەیل شارەوانی لە گشت پارێزگایل.
وەزیر لە بەیاننامەیگ دووپات لەبان چەودیاریکردن جیاوازی تەکاندەرەیل کارەبا ئەرا ویستگەی ریڕەوی ئاو سەنگین و ئاو واران کرد، و خەسەخانەیل و بنکەیل تەندروسی.
فازڵ فەرمان دادڵ گشت وەڕیەوبەرەیل گشتی و لقەیل و کەرتەیل و بنکەیل خاسەوکردن، لەناو فەرمانگەیل خوەیان بوون، و چەویان وەبان تووڕەیل بوود، و گرنگی وە سکاڵای مەردم بیەن.
دووپاتیش لەبان بەرزترین گرنگیدان وەلایەن ناوەندەیل کۆنتڕۆل کرد ئەرا گلەوداین ئەو کڕەیلە کە کوورەو بوون، تا ئاو لەناو جادەیل پەنگەو نەخوەێد.
لەلای خوەییش: وەزارەتەگە داوا لە هاوڵاتیەیل کرد دویر بکەفن لە تووڕەیل کارەبا لە پایە و تەڵەیل کارەبا، و مەوقەی واران خوەیان وەقەیانەو نەیەن، و ئاگاداری لە هەر چشتیگ لەلای نزیکترین بنکەی خاسەوکردن توومار بکەن، ئەرا مقیەتیکردن بیوەییان.
جی باسە کە زاێان رفتیگ لە وڵاتەگە وارێد، کە بەشیگ لە ریوبانەیل لەژیر ئاو نقوم بوین، وەگەرد یەکەم واران لەی زمسانە، کە چەوەڕی کریاس گشت وڵاتەگە بگرێدەو.
