هەواڵی کوردستان ئێستا

شەفەق نیوز/ لە ماوەی چەن هەفتەی گوزەشتە خولگەی زەوی میوانداری ئەسارەیگ بویچگ کرد، کە تا ماوەیگ بویە “مانگ دویەم”، بەڵام هاز روایی هەسارەگەمان وەی زویە گلیەو دەێد ئەرا خولگەی خوەر.

 ئی تەنە ئاسمانییە 2024 PT5 ،  لە 29ی ئەیلول هاتە ناو خولگەی زەوی و تا 25 ئپ مانگە لە ئاسمان مینێد وەرجە ئەوەگ دەسبکەێدە مزڵی وە دەور خوەرەو.

 ئی ئەسارەی بویچگە ئەرا یەکەمجار لە 7 ئاب 2024 لەلایەن سیستەم ئاگادارکردن کاریگەریی ئەستارە بوبچگەیل پەیا کریا کە وە "ATLAS" ناسیا، کە پڕۆژەیگ زانستییە و ئامانجی چەودیاریکردن ئەستارە بوبچگەیل نزیک زەوی و هەڵسەنگاندن ئەگەر کاریگەرییەیلیانە. 

سیستەمەگە پشت وە بڕیگ تەلەسکۆپ بەسێد ئەرا چەودیاریکردن ئاسمان وە زەوی و وە شیوەیگ کارا، یەیش ری دەێدە زانایان  تا مەزەنەی هەر ئەسارەیگ بویچگ بکەن کە رخداری لەبان زەوی دروس بکەێد.

 زەوی جاروەجار ئەسارەییل بویچگ جویر 2024 PT5 هەڵگرێد و لە خولگەیگ وەختانە وە دەور هەسارگەمان دانەێدەی.

 لە وەختیگ فرەی ئەستارە بوبچگەیل وە ری ئاسایی خوەیان وە دەور خوەرەو گەردن، بەشیگیان ئەرا سەردانیگ کوڵ لە زەوی نزیکەو بوون - وەفرەیی چەن هەفتەی یا مانگیگ - وەرجە ئەوەگ ئازادەو بوون و دەسوە گەشتە خوەرەگەیان بکەن.

 هەر "مانگیگ بویچگ" دەرفەتیگ دەگمەن دەێدە زانایەیل ئەرا ئاشکراکردن تێڕوانینیگ نرخدار لەباوەت میکانیک کۆمەڵەی خوەرمان.

 "مانگ بویچگ" فرەجار لە پارچەیگ لە جیماگەی بۆشایی ئاسمانن،  ئەرا نموونە لە ساڵ 2020 گەردوونناسەیل "مانگیگ بویچگ" پەیا کردن، بەڵام دویای ئەوە دەرکەفت کە موشەکیگە لە ئەرکیگ وەرین بۆشایی ئاسمان (Surveyor 2 Centaur) کە لە ساڵ 1966 وەشیاس.

 ئەوەگ ئەسارەی 2024 PT5 تایبەت کەێد ئەوەیە کە ئەساریگ راسیە و تەنیا جیماگەی بۆشایی ئاسمان نییە.

 تۆنی دان، زانای فەلەکناسی ئاماتۆر لەبان پلاتفۆرم ئێکس شیوەیگ بڵاوکرد کە نشان دەێد چوین ری ئەسارە بویچگەگە دەرکەفێد.

وەرجەیە  2024 PT5 لە مانگ تەمموز  لە نزیک زەوی بویە.

 وە نووڕین ئی ھاوشیوەکردنە، دەرکەفێد کە وزەی جیۆسێنتری ئەسارە بویچگەگە بوودە نێگەتیڤ (واتە دەس کەێد وە کارکردن وەرد هاز روایی زەوی وە شیوەیگ کە رەزایی ئەسارە بویچگەگە وەرەو خوەی کەشێد) و تا ماوەی 56.6 رووژ وەیجویرە مینێد، خولگەی ئەسارە بویچگەگە لە مەوقەی ھاوشیوەکردنەگە جویر کڕ سوور نشان دریەێد، چوینکە تەنیا نزیکەی 25% زەوی دەورە داگە.

 ئەسارە بویچگەگە خولگەیگ تەواو وو دەور زەویەو تەواو نیەکەێد، کە فەلەکناسەیل وە "ترانزێتیگ توومارکریای وەختانە" ناوی بەن.

 مەزەنە نییە کە “مانگ بویچگ” لە ئاسمان زەوی بوینن، چوینکە ناسا ئویشێد رووشنایی ریژەیی ساڵ 2024 هن PT5 وە 27.593 مەزەنە کریەێد،  واتە فرە بیهازە و تەنانەت ئەگەر تەلەسکۆپیش بوود دیار نییە،  ئەرا بەراوردکردن، رووشناییگ کە وە چەو رویت دوینیەێد نزیکەی 6.5ە.

 جی باسە مانگ بویچگ وە تایبەتی دەگمەن نین،  زەوی لە ساڵ 2022 "مانگ بویچگ" داشت لەوەر ریڕەوی ئەڵاجەوی  رەدبوین ئەسارە بویچگەگەی 2022 YG.  "مانگ بویچگ"یەکیگ ترەک لە ساڵ 2020رەسیە لامان لە ئەسارە بویچگەگەی 2020 CD3.، بەشیک لەو تەنەیلە ئەوەنە رووشنن کە وە ئامێر فەلەکناسی ئاماتۆر دوینیەن.

 سەرچووە: ماڵپەڕ RY