هەواڵی کوردستان ئێستا

شەفەق نیوز/ دەسەی کەشناسی عراق، شەوەکی ئمڕوو دووشەممە، راگەیان کە هیمان ئەور لە ئاسمان باکوور و باشوور وڵات مەنیە.

دەسەگە لە راپۆرتیگ رەسیە ئاژانس شەفەق نیوز وت: دەرفەت وەردەوام ئەرا واران وارین لە سلێمانی و دهۆك و هەولێر لە هەرێم کوردستان هەس، وەگەرد پارێزگای سەڵاحەدین و باکوور پارێزگای ئەنبار.

دەسەگە وتیش: دەرفەتیش ئەرا واران لە ناوچەیل سەماوە و زیقار و میسان و باکوور بەسرە هەس.

لە دویەکەو شارەیلیگ جیاجیای عراق واران رفتیگ وەخوەیان دوینن، کە بەشیگ لە گەڕەک و جادەیل لە ژیر ئاو نقوم بوین، لە ئەنجام بەدی ژیرخانەیل و خزمەتگوزارییەیل.