هووزيگ عه‌ره‌ب له كه‌ركوك زياتر له 5000 جه‌نگاوه‌ر دژ هاتنه‌وه‌ى داعش ئاماده كردگه
شه‌فه‌ق نيوز/ هووز "ئه‌لعوبێد" له پاريزگاى كه‌ركوك ئاشكراى ئاماده‌كردن زياتر له 5000 جه‌نگاوه‌ر كرد ئه‌را روێ وه‌ڕوێ بوينه‌وه‌ى مه‌ترسى سه‌رهه‌ڵدانه‌وه‌ى داعش و هه‌ڕه‌شه‌يلى له قه‌زاى حه‌ويجه‌و ده‌ورگردى.
له‌ى باوه‌ته‌و، بورهان مه‌زهر ئه‌لعاسى يه‌كيگ له ده‌مچه‌رمگه‌يل هووز ئه‌لعوبێد و ئه‌ندام ئه‌نجومه‌ن هه‌ڵوه‌شرياێ كه‌ركوك ئه‌را شه‌فه‌ق نيوز وت: رووڵه‌يل هوووز ئه‌لعوبێد چينه‌سه قۆناغ بار نائاسايى و چه‌كهه‌ڵگرتن ئه‌را روێ وه‌روێ بوينه‌وه‌ى مه‌ترسيه‌يل داعش له قه‌زاى حه‌ويجه‌و ريگرى له هاتنه‌وه‌ى گرووپه‌يل چه‌كدار ئه‌را ناوچه‌يل قه‌زاگه.
جى باسه، ئه‌لعاسى هه‌ميش وت: رووڵه‌يل كه‌ركوك رێ وه هاتنه‌وه‌ى هويچ داعشييگ ئه‌را ناوچه‌يليان نايه‌ن و رييش نايه‌ن مه‌ويسيه‌يل قه‌زاى حه‌ويجه دوباره‌وه بدێ ك له‌ناونى 2014 تا 2017 كه‌فته ده‌س داعش.