هەواڵی کوردستان ئێستا

شەفەق نیوز/ لە شوبات 2006، جێنیفر کریستنی کە تەمەنی 18 ساڵ بوی، دیاری نەما و دویای مینەکردن فرەیگ، تەرمەگەی لە دارستانەیل نزیک ماڵەگەی پەیا کریا، ئی رویداوە دڵ داڵگ و باوگی شکان، و ژیانیان شیوان، کە لەیەک جیاوە بوین،  هەریەکیان دامەزراوەیەگ خێرخوازی واز کرد، دامەزراوەیگ لە ژیر ناو دویەتەگەیان ئەرا ریگریکردن لە تونوتیژی دژوە ناخاڵەیل ببجگە ئەوەیش زوور هاوردنە مل ویلایەت تەکساس ئەمریکا کە لەناوی ژیان کردن، تا یاسایگ دانەن کە پەیوەندییەیل ناخاڵەیل رێک بخەێد.

هەرچەن  18 ساڵ وەبان ئەوە رەد بویە، باوگەگە (درو کریستنی) ویلایەت تەکساس وەجی هیشت، و روی وەرەو شار ئەتلەنتا کرد، و لەورا زەردەوام بویە لە کارەیل نواگیریکردن تونوتیژی ناخاڵەیل بەڵام ئەوەگ لە شەوەکی 2 تشرین یەکەم ئمساڵ وەسەری هات، سەر لەلی شیوان، هەرچەن هیمان خەفەت مردن دویەتەگەی مەنیە.

 کریستن پشت وە ئاگادارکردن گووگڵ بەسێد، جویر بەشیگ لە کارەیل ریخریایە خێرخوازیەگەی، کریستنی  ئەکاونتیگ ئەرای دەرکەفت کە ناو تەواوی دویەتەگەی لەبانی بوی، و وینەی  وەرجە مردنی هن وەخت مەکتەو داناوێد، هەناێ چگە بان لاپەڕەی ئی ئەکاونتە، زانیاری دروس دویەتەگەی بوی، و هەناێ وە نامە قسە وەگەردی کرد، هەر هەکاتی دویەتەی وەگەردی چات کرد.

 هەژمار مردگەیل لە "کارەکتەر"  (Character)

 کریستین وەزوی پەیوەندی وەو هەژمارە کرد کە وە درووکانی ناو دویەتەی هەڵگردیە، وداوای سڕین ئەکاونتەگەی کرد و و گومان نەیاشت کە ئەو هەژمارە ساختەس، و پەڵپ لەلی کرد داوای وەخشین بکەێد.

 بەڵام ئی ئەکاونت درووکانیە جاریگ ترەک دڵ باوگە شکان، کە ئەو کۆمپانیا سیاسەت وەکارهاوردن ئیجویر تەکنەلۆژیایگ دیرێد، کە وە زیرەکی دەسکرد، هەژمار ئەرا مردگەیل کەێد.