هەواڵی کوردستان ئێستا

شەفەق نیوز/ لە ئاوای مسەحەگ میژوو، کە ناسیاس وە شار هازدارەیل، کە کەفێدە ناوەین زنجیرە کویەیل مەکحوول لە پارێزگای سەڵاحەدین، گەنجیگ راوچی وەشیوەی تایبەت هەس، کە ئاژەڵ و باڵدارەیل ئەرا خوەراک راو نیەکەێد، یا بخەێدەی ناو قەفەس، بەڵکم رخدارترین گیانەوەرەیل گرێد، کە مار ژەهردارە، و لەی کارە پسپۆڕە.

رواچی مارەیل، ئەحمەد سوڵتان ئەحمەد تەمەن 30 ساڵان، ئەرا ئاژانس شەفەق نیوز ئویشێد؛ ئەزموون لە زانستن مارە ژەهردارەیل دیرێد، و زانێد کامیان بکوشترە، و وەگورەی ئەزموون خوەی، ئویشێد؛ سێ مار لەناو زنجیرە کویەیل مەکحوول نزیک قەزای بێجی، باکوور پارێزگای سەڵاحەدین لە گشتیان رخدارترە.

شار زووردارەیل

ئاوای مسەحەگ کەفێدە بان زنجیرە کویەیل مەکحوول، کە شیوەیلیک جویراجویر لە مارەیل هەس، بەشیگیان وە ماوەی چەن خولەکیگ وە یەک گەزین ئایەم کەێدە تەرم سەردیگ، کە ئەو ئاوایە باوگ و داڵگ سوڵتان لەناوی پەیا بوینە، و لەناوی مردنە، و ئی گەنجە وەبی داڵگ و باوگ لەناوی گەورە لەبەر و هەر لە مناڵییەو خوەشی لە گردن مار هاتیە.

  سوڵتان دیاری کەێد کە سەروشت ئاوایەگە فرە رەنگینە، کە کەفێدە بان کویەیل مەکحوول، و هەناێ کەفمە مینەی مار، هەڵبەت ئی گەردینە بیوەی نییە، و وەختیگ خوازێد تا مەچیر جویلەیان پەیا بکەید، و هەناێ شوین مارەیل پەیا کەم، دەسکەمە مینەر و لەناو چاڵەیل وە گووچانیگ تایبەت ئەو مارەیلە درارم، و خەمەیانە ناو کیسە.

 سێ بکوشەگە 

ئویشێدیش؛ کویەیل مەکحوول چەن چینیگ لە مار هەس بەشیگ وەپی ئویشن (مورکان سیا) کە ئەژدیھای بکوشە، و مايكروفاير یا (یەهودی)، و بەشیگیش وەپییان ئویشن (فارسي) کە مار سیاسی و لە گشتی ژەهردارتر و بکوشترە، کە وەیەک گەزین دویای نیم ساعەت کەسەگە کوشێد.

سوڵتان دووپات کەێد کە گەردین و مینەکردن مارەیل هاتێ یەک تا دوو رووژ بکیشێد، و شایەت هەر جاریگ زیاتر لە یەی مار بگرم، و منیش وەی راوکردنە لەناوەین کویەیل مەکحوول فرە خوەشاڵ بووم.

ئوشێدیش؛ من مارەگە تەنیا راوی نیەکەم، باوکی ئیوەتی کەم، تا رەفتاری بزانم، و دویای ماوەیگ بەشیگیان مەرەقەزی کەم، و بەشیگ لە چینە ناوازەیل و ژەهردارترەیل لەلای لەناو ماڵ هیلم، و نزیکەی 30 مار دیرم هەرلە فارسی و یەهودی و ئەژدیھا و مار سەید دخیل.

52 چین لە مارەیل 

سوڵتان دیاری کەێد کە نزیکەی 52 چین مار لە عراق هەس، کە بوونە سێ بەشەو: 11 لەلییان فرە ژەهردارن، و 5 ژەهردارییان ناوڕاسە، و 36 لەلییان ژهەر نیرن.

ئویشێد: مارە ژەهردارەیل، ئەوانەگ ژیر زگیان جویر هەڕەس، (سەید دخیل) و (تویلەمار سیا) و کۆبرای میسری، و شاخدار عەرەبی، و مار لویت خڕ یا لویت کەل، و مار (فیلید) و مار کوردستان، و (فارسی)، کە یانە گشتیان بکوشن، وەلێ هەر یەکیان لە ژینگەی جیاوازیگ ژیەێد، کە تویلەمار سیا و کۆبرا و شاخدار عەرەبی لە بیاوان ژیەن، و مار لویت خڕ لە شوینەیلیگ تەڕ ژیەێد، و مار کوردستان لە کویە ژیەێد.

دووپات کەێد کە هەناێ مارەگە رخی بچوود، پەلامار ئەو کەسە دەێد کە نزیکی کەفێد، و بایەسە ئەوەگ وەگەرد مارەو رەفتار کەێد مارەگە وە دەس نەگرێد، و نەبایەس مار بکوشیەێد مەگەر لەوەر چشتیگ گرنگ، و بیلەی بان زەویەگە ئەگەر لە دەیشت ماڵەگە پەیا کریا، و منیش تا ئیسە سێ گلە تویش گەزین مار هاتمە، وەلێ نەڕەسینە مەرگ.

بیر قویلیگ لە تک کویە 

سوڵتان باس کەێد کە چشتەیل فرەیگ هەس لە کویەیل مەکحوول، بایەسە بفامیمنەی، ئەرا نموونە، یەی بیر قویلیگ لە تک کویە هەس، و ئی بیرە جویر دەم گڕکانە، و تا ئیسە دیار نییە چە هاناوی، و بایەسە بفامیمن یە چەس، و ئاسەواری لەورا هەس، کە بەشیک چوودەو ئەرا سەردەم عوسمانیەیل، و ئاسەواری هەس وەپی ئویشن شار هازدارەیل.

شوینەیل ئاسەواری گرنگ 

عەبدولڵا جبوری، یەکیگ لە کەسوکارەیل راوچی مارەیل، ئەرا ئاژانس شەفەق نیوز ئویشێد، ئەحمەد سوڵتان لە پارێزگای سەڵاحەدین ناوی ناسیاس لە راوکردن و ئیوەتکردن کارر و مەردم فرەیگ ئەرا لای تیەن ئەرا کارەیل چارەسەری مار.

 ئویشێدیش: کویەیل مەکحوول ئاسەواریەیل فرە گرنگ هاناویان، وەتایبەت شار زووردارەیل، کە چوودەو 2000 ساڵ وەرجە زایین، کە ئاسەواری میژووی گرنگە سەردەمیگ لە میژوو مرۆیی هاناوی، و ئەگەر مینەکردن و هەڵکەنین لەناوی بوود، وەنە زانیاریەیل میژووی وەپیمان دا، وەلێ وەداخەو کە دەس فەرمانگەی ئاسەواری و کەلەپوور وەپی نەڕەسیە، و بایەسە حکومەت ئاشکرای ئی شوینە بکەێد.