هەواڵی کوردستان ئێستا

شەفەق نیوز/ وەڕیەوبەرایەتی پولیس نەینەوا، ئمڕوو یەکشەممە، توومارکردن بەرزەوبوین لە ریژەی خوەیکوش لە پارێزگاگە راگەیان.

لیوا فەلاح جەربا وەڕیوبەر پولیس نەینەوا ئەرا ئاژانس شەفەق نیوز وت: خوەیکوشتن لە نەینەوا لەی ساڵەیل دویاییە بەرزەوبوین توومار کرد، وتیش: ئمساڵ بەرزترین ریژەی خوەیکوشتن توومار کریا.

جەربا وتیش: لەی ساڵ 2024ە تا سەرەتای مانگ تشرین یەکەم، 74 خوەیکوشتن توومار کریا.

وتیش: لەوەر چەن هاوکاریگ ئی خوەیکوشتنەیلە رویدەن، دیارترینیان رەوش دەورینی و ئابووری بەد و شکستخاوردن لەناو کۆمەڵگا.

دیاری کرد کە گەورەترین شمارەی خوەیکوشتن ئەوانەس کە لەبان پیەڵەیل شارەگە خوەیان خەنە ناو چەم دیجلە، و دووپات کرد کە تیمەیل پولیس و رزگارکردن توەنستن چەن کەسیگ لە چەم درارن و کەسەیلیگ وەرجە خوەیکوشتنیان رزگار بکەن.

لەی ساڵەیل دویاییە، عراق وەگشتی بەرزەوبوین لە خوەیکوشتن توومار کرد، کە شمارەیل وەشیوەی وەرچەویگ لە چەن پارێزگایگ بەرزەو بویە.