هەواڵی کوردستان ئێستا

شەفەق نیوز/ سەرچەوەیگ لە پولیس ناوخوەیی، ئمڕوو یەکشەممە، خەوەردا لە توومارکردن دوو خوەیکوشتن جیاجیا لەلایەن ژنیگ و پیای پیریگ لە دیالە وەماوەی چەن ساعەتیگ.

سەرچەوەگە ئەرا ئاژانس شەفەق نیوز وت: ژنیگ لەناو تەمەن سی ساڵان خوەی وە نەفت سزانیە، ئەوەیش لە ناوچەی تەحریر لە شار بەعقووبە.

 وتیش: ژنەگە تویش سزیان فرەیگ هات، و وبیهووشی ئەرا خەسەخانە بریا، و دیاری کرد کە وەگورەی زانیارییەیل سەرەتایی لەوەر گرفتەیان خیزانی ژنەگە خوەی سزانیە.

لە رویداویگ هاوشیوە، پیای پیریگ لە تەمەن 70 ساڵە، خوەی وە پەتیگ لەناو ژوور خەفتنی لە ناحیەی عزێم باکوور دیالە خوەی دادە سێدارە و گیانی لەدەسدا.

سەرچەوەگە دیاری کرد کە یە دویەم تەقەلای خوەیکوشتنە ئەرا ئەو پیاوە، کە وەرجەیە تەقلا داگە خوەی بکوشێد وەلی رزگار کریا، وتیش؛ قوربانیەگە زیان دەروینی داشتگە.