هەواڵی کوردستان ئێستا

شەفەق نیوز/ گۆڤار "سیوڤۆرلد" ئەمریکی، کە تایبەتە وە کاروبار ئابووری، ئمڕوو دووشەممە، دەرخست کە عراق لە دە وڵات کۆتاییە لە بیوەیی ئەرا گەشتیارەیل لە ماوەی ساڵ ئایندە.

 گۆڤارەگە لە ڕاپۆرتیگ وت: عراق لە پلەی 186هەمینە لە جەهان لە لڕ 196 وڵات لە پۆلێنکردن بیوەیترین وڵات ئەرا گەشتیارەیل لە ساڵ 2025.

 گۆڤارەگە وتیش: "فرە لە وڵاتەیل ئەفریقا و ئاسیا کەفنە روی بڕیگ سەختی کە پەیوەندی وە تاوانەو دیرن، یەیش کاریگەری لەبان پەیوەندییەیل لەبان شانۆی جەهان دیرێد، ئەوەیش بویەسە مدوو کەمەوبوین بەرهەمهاوردن لەو وڵاتەیلە لەوەر نیگەرانییەیل بیوەیی، گەشتوگوزار کە لە ئەنجام ململانێ و نائارامی و ریژەی تاوانەیل زەرەد وە ئابووری ناوخوەیی رەسیە ". 

وتیش: ئایسلەندا پلەی یەکەم وەدەس هاورد جویر بیوەیترین وڵات ئەرا ساڵ 2025، ئیجا مۆناکۆ لە پلەی دویەم، ئمجا لیختنشتاین لە پلەی سێیەم، ئەندۆرا کە کەفێدە باشوور ئەوروپا لە پلەی چوارەم، سان مارینۆش لە پلەی پەنجەم، فەلەستین و کۆریای باکووریش کەفتنە دویادویای لیستەگە.

 لە جەهانی عەرەبی، کوێت پلەی یەکەم هاورد و پلەی 40 جەهانی جویر بیوەیترین وڵات، ئیجا عومان دویەم و ئوردن سێیەم و قەتەر چوارەم و بەحرەین پەنجەم.

 وەگورەی گۆڤارەگە، عراق لە پلەی 186ەمە و لە بڕ 100 خاڵ 31.48 خاڵ کەفتیەسە بەشی، جویر بیوەیترین وڵات، ئیجا ڕووسیا، ئۆکرانیا، سوریا، یەمەن، پاکستان و لوبنان.