توومارکردن یەکەمین فەوتیان باڵندەیگ لە ئەورووپا
شەفەق نیوز/ زانایەیل لە کۆمەڵەیل ناودەوڵەتی کە گرنگی وە مقیەتیکردن باڵندەیل و هەمەڕەنگی بایۆلۆژی دەێد، ئمڕوو دووشەممە، رەسیە ئەوە کە باڵندەی کەرەوان دەنویک باریک، کە لە خوەرئاوای سەیبیریا زاوزی کردگە، و لە زمسان وەرەو دەریای ناوڕاس کووچکردگە، لە ئاست جەهان فەوتیا.
وەگورەی ئاژانس خەوەری بەریتانی بی ئی میدیا، زانیەیل کۆمەڵەی شاهی ئەرا مقیەتیکردن باڵندەیل، و دەزگای ناودەوڵەتی ژیان باڵندەیل، و ناوەند هەمەڕەنگی بایۆلۆژی سروشتی لە هۆڵەندا، و مۆزەخانەی میژوو سروشتی، ئمڕوو دووشەممە، توێژینەوەیگ ئەرا مقیەتیکردن ئی چینە لە باڵندەیل بڵاو کردن.
زانایەیل رەسینە ئەوە کە دویاترین دیدار باڵندەی کەرەوان دەنویک باریک لە شوبات ساڵ 1995 بویە لە مەغریب، و رەسینە ئەنجام ئەوە کە ئی باڵندە لە ئاست جەهانی فەوتیاس.
مەزەنە کریەێد کەرەوان دەنویک باریک یەکەمین فەوتیان جەهانی زانیای بوود ئەرا باڵندەیە لە هشکایی سەرەکی ئەوروپا و باکوور ئەفریقا و خوەرئاوای ئاسیا.
