هەواڵی کوردستان ئێستا

شەفەق نیوز/ ساعەتیگ گیرفان نەڵایی، کە پیشکەش وە کاپتنیگ کریاس 700 کەس لە سوارەیل کەشتی تایتانیک رزگار کردیە، لە زیاکردن ئاشکرا وە نزیکەی دوو ملیۆن دۆلار فرووشیا، کە شمارەیگ پەیمانەیی توومار کرد جویر گرانترین پارچەی یادگاری لە جیماگەی کەشتیەگە.

سێ خانم رزگار بوینە لەناو ئەو کەشتیە، ئەو ساعەت تەڵاییە عەیار 18 لە دیزاینکردن  "تيڤاني ئانند كو" ئەرا کاپتن ئارسەر روسترۆن کاپتن کەشتی "ئار ئێم ئێس كارباثيا" پیشکەش کردن، هەنای روی کەشتیەگە وەرەو پییان کرد تا ڕزگاریان بکەێد، هەناێ تایتانیک داد لە کویەی یەخین، و لە باکوور زەریای ئەتڵەسی نقوم بوی، ئەوەیش لە یەکەمین کاروانی لەساڵ 1912. 

ئەو ساعەتە لە ڕووژ شەممەی گوزەشتە لە زیایکردن وەلایەن ماڵ زیایکردن  "هینڕی ئەلدريدگ ئاند سان" ئەرا کەسیگ فرووشیا لە ئەمریکا وەرانوەر  1.56 

جنێه ئەستەرلینی، کە بەرزترین شمارەس ئەرا پارچەی یادگاری لە تایتانیک.

بیوەژن جۆن جاکوپ ئەستور کە دەوڵەمەنترین پیاو بوی لە کارەسات تایتانیک گیانی لەدەسدا، ئەو ساعەتە خوەی و بیوەژنەیل دوو پیاو دەوڵەمەن ترەک کە وەگەرد تایتانیک نقوم بوینە، ئەو ساعەتە ئەرا ئوستۆن پیشکەش کردن.