هەواڵی کوردستان ئێستا

شەفەق نیوز/ سەرچەوەیل ئەمنی، ئمڕوو سێشەممە، خەوەردان لە قومیان دوو جەنگ هووزانە لە پارێزگای زیقار و موسەنا.

 سەرچەوەیل ئەرا ئاژانس شەفەق نیوز وتن: یەکەم جەنگ لەناوەین دوو لایەن لە هووز شەدید لە ناحیەی عکێکە باشوور شار ناسریە، لە ئەنجام ناکۆکی وەرین لەناوەین کەسەیل هووزەگە، وتیش: هیزەیل ئەمنی لە سەرتا کەفتنە سەختییگ وەگەرد ئی جەنگە، تا توەنستن ناوجی بکەن.

تا ئیسە زەرەدەیل ئی جەنگە دیاری نەکریاس.

لە موسەنا، جەنگیگ کەفتە ناوەین هووز سفران و بەرەکات، ئەوەیش لەئەنجام مرافەیگ لەبان ناوچەی جەزیرە باکوور خوەرهەڵات شار سماوە، بویە هوکار کوشیان ئەندامیگ ئەمنی کە مەوقەی ناوجیکردن وەگولە کوشیا.

 سەرچەوەیگ ئەمنی وت: هیزەیل ئەمنی کەفتنەسە سەختییگ لە ناوجیکردن ئی جەنگە تا وەخت نویسانن خەوەرەگە.