هەواڵی کوردستان ئێستا

شەفەق نیوز/ فرووش بانک ناوەندی عراق لە زیایکردن دۆلار  ئەمریکی لە ماوەی مانگ تشرین یەکەم زیاتر لە 6 ملیار دۆلار بویە.

 پەیامنێر ئاژانس شەفەق نیوز وت: لەو رووژەیلە کە لە مانگ تشرین یەکەم زیایکردنی فرووشتن و سەنین دۆلار ئەمریک واز کردگە، بانک ناوەندی 6 ملیار و 38 ملیۆن و 229 هەزار و 179 دۆلار فرووشتیە، وەڕیژەی رووژانە 274 ملیۆن و 464 هەزار و 962 دۆلار.

پەیامنێرمان وتیش: فرووش هەواڵەی دەرەکی لە مانگ گوزەشتە 5 ملیار و 672 ملیۆن و 463 هەزار و 159 دۆلار بویە، کە وەرانوەر فرووش کاش وەڕیژەی 94% زیایکردگە کە بڕی 365 ملیۆن و 766 هەزار و 20 دۆلار بویە.

 پەیامنێرمان وتیش: ئی فرووشەیلە لەناوەین هەواڵەی دەرەکی ئەرا دابینکردن دارایی بازرگانی دەرەکی، و  فرووشتن کاش ئەرا بانکەیل بەشەو کریاس، کە لەناوی نرخ فرووشتن کرێدیت دۆکیۆمێنتاری و یەکلاییکردن ناودەوڵەتی ئەرا کارتی ئەلیکترۆنی رەسیە یەک هەزار و 310 دینار ئەرا هەر دۆلاریگ، و نرخ فرووشت هەواڵە ئەرا دەیشت، وڵات و نرخ کاش  رەسیە 1310 دینار ئەرا هەر دۆلاریگ.