چوین ئەگەر لە نیمەی شەو هاتیدە خەوەر دووارە بخەفید؟
شەفەق نیوز/ فرە کەس داد لەدەس بیخوەی کەن، کە نیمەی شەو، خەو لە چەویان پەڕێد، و دی خەو وەبان چەویان نیەکەفێد.
هیدز گۆردون خانمە پسپۆڕ تەندروسی لەبان سۆشیال میدیا باس ئەوە کرد، و وت: وە جویلەکردن چەو، دووارە چیدە ناو خەو.
لە پارچە ڤیدیۆیگ لەبان ماڵپەڕ ئێکس کە 2.6 ملیۆن کەس دیاری باس چشتیگ کرد کە وەقسەی ئەو پسپۆڕە، ئەگەر ئی کارە بکەید، خەود خاسەو بوود، کە وەگورەی باسکردن رووژنامەی دەیلی مەیل وت: بایەسە وە جویلەکردن چەو خەود بارێدەو.
گۆردون دیاری کرد کە وت: چەوەیلد بنویقن، ئیجا چەوەیلد بجویلن، وەرەو خوار، ئیجا چەن جاریگ وەرەو لای راس و وەرەو لای چەپ، دویای ئەوە چەوەیلد بخە ناوڕاس.
ئی کارە پشت وە زانست خەو بەسێد، کە جویلەی چەو دەسمیەتی لە دراوردن هورمۆن میلاتونین دەێد، کە یەیش وەرپرسە لە خاسەوکردن خەو.
بەڵگەی زانستی ئەوەسە کە جویلەکردن زویوەزوی وە چەوەیل (REM) مەوقەی خەفتن دەسمیەتی لە دراوردن میلاتونین دەێد، کە خەو خاسەو کەێد.
