خنکیان دویەت مناڵیگ و باوگی لە چەم دیجلە لە باکوور سەڵاحەدین
2024-11-25 14:25:20 - سەرچاوە: شەفەق نیوز
شەفەق نیوز/ سەرچەوەیگ پزیشکی لە خەسەخانەی قەزای بێجی لە سەڵاحەدین، ئمڕوو دووشەممە، خەوەردا لە خنکیان دویەت مناڵیگ و باوگی لەدویای ئەوەگ تەقەلای قورتارکردنی داگە لە خنکیان لە چەم دیجلە باکوور پارێزگاگە.
سەرچەوەگە وە ئاژانس شەفەق نیوز خەوەردا، "مناڵەگە تەمەنی هەفت ساڵانە لە لیو چەم دیجلە لە نزیک ئاوای ئەلبو تەعمە سەر وە قەزای بێجی بازیکردیە، هنای وە کنار ئاوەگە داوەزیایە ئاوەگە بردیەسێ و باوگی دەسوەجی رەسیەس ئەرا قورتارکردنی باوجی وەگەردیا خنکێد".
سەرچەوەگە وتیش "تیمەیل فریاکەفتن توەنستنە تەرم مناڵەگە درارن و ئەرا پزیشک دادوەری کلیبکەن، و مینەی تەرم باوگەگە کەن کە تەمەنی 30 ساڵانە".
