عراق پیشوازی لە ئاگربەسی لە لوبنان کەێد
شەفەق نیوز/ وەزارەت دەیشت عراق، ئمڕوو چوارشەممە، پیشوازی لە راگەیانن ئاگربەسی ناوەین ئیسرائیل و لوبنان کرد، و لە خود وەختەگە داوای رزگارکردن کەرت غەززە لە فەلەستین کرد.
وەزارەتەگە لە بەیاننامەیگ رەسیە ئاژانس شەفەق نیوز باس ئومید خوەی کرد کە ئی رێککەفتنە بڕەسێدە سنووریگ ئەرا ئەو تونوتیژی و ویرانکاری و زیانە کە لە گەل برای لوبنانی کەفێدە وەریان.
وەزارەتەگە دووپات لە پاڵپشتیکردن وەردەوام عراق ئەرا حکومەت و گەل لوبنان کرد، و رکداریی لەبان قایمکردن ئارامی لە ناوچەگە، و دووپاتیش لەبان گرنگی خەسەوکردن تەقەلایل ناودەوڵەتی کرد ئەرا مسۆگەرکردن نەهیشتن جەنگ نوویگ و دابینکردن ژیان سەربەرزییگ ئەرا گەل لوبنان.
وەزارەت دەیشت عراق هەمیش داوا لە کۆمەڵگای ناودەوڵەتی کرد گامەیل راسیانەی جیوەجی بکەێد ئەرا وسیان ئەو کوشتار و کوشتن و بڕین وەردەوامە وەبان گەل فەلەستین لە کەرت غەززە، و کارکردن ئەرا کۆتایی وەو زیان مرۆییە کە لە ئەنجام کارەیل سەربازی وەردەوام بەرزەو بوی، و هەڵوێست پشتگیریکردن عراق نووەو کرد ئەرا گشت تەقەلایل ناودەوڵەتی وەرەو وەدەسهاوردن ئارامی.
دویەکە سێشەممە، جۆ بایدن سەرۆک ئەمریکا، رەسین ئەرا رێککەفتن ئاگربەسس ناوەین ئیسرائیل و حزبوڵا لە لوبنان راگەیان، و دووپات کرد کە ئی هوچانە ماوەگەی 60 رووژە، و خوازێد بوودە هەمیشەیی، و هوشداری دا کە ری وەوەگ لە حزبولڵا مەنیەسەو نیەێد تا جاریگ ترەک هەڕەشەی ئیسرائیل بەێد.
