هەواڵی کوردستان ئێستا

شەفەق نیوز/ سەرچەوەیگ ئەمنی لە دیالە، ئمڕوو جمعە، خەوەردا لە کوشیان و زەخمداری چوار کەس وە رویداویگ هاتوچو ناوەین سێ ماشین، و ژنیگ رزگار کریا کە هاتیە خوەی وە ئاگر بکوشێد.

سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین سێ ماشین لەبان ری بەغدا - کەرکوک نزیک قەزای خاڵس باکوور دیالە، و بویە هوکار کوشیان کەسیگ و زەخمداری سێ کەس ترەک.

وتیش: هیزیگ ئەمنی تەرم قوربانیەگە ئەرا پزشک دادوەری برد، و زەخمدارەیل ئەرا خەسەخانە.

لەلاییگ ترەک، سەرچەوەگە وت: زنیگ شویدار لەناو تەمەن چل ساڵە، خەڵک پارێزگای بەغداد، هاتیەسە سەردان ماڵ داڵگی لە قەزای خانەقین، نەفت رشانیەسە مل خوەیەو و خوەی سزانیە.

سەرچەوەگە دیاری کرد کە کەسوکارەیلی توەنستن رزگاری بکەن و ئەرا خەسەخانەی بەعقووبە بوەنەی، وەلێ تویش سزیان فەریگ هاتیە.