هەواڵی کوردستان ئێستا

شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە کوشیان مناڵیگ کوورپە لە ئەنجام هیزگردن ئاگر لەناو ماڵیان لە باکوور پارێزگاگە، و سێ کەسیش زەخمدار بوین لەناو وەردەوەردەیگ لەبان وسانن ماشین لە شوینیگ ناوڕاس بەعقووبە.

سەرچەوەگە ئەرا ئاژانس شەفەق نیوز وت: مناڵیگ کوورپە هیمان تەمەنی ساڵیگ تەواو نەکردیە، گیانی لەدەسدا، لە ئەنجام هیزگردن ئاگر لەناو ماڵیان لە ئەنجام سزیان سۆپەی کارەبایی لە دەورگرد قەزای خاڵس، باکوور دیالە.

وتیش: هیزیگ ئەمنی رەسیە شوین رویداوەگە و تەرمەگە ئەرا پزشک دادوەری بریا، و لێکۆڵینەوە لە رویداوەگە واز کریا.

سەرچەوەگە وتیش: سێ کەس لەناو وەردەوەردەیگ لە گەڕەک رازی لە شار بەعقووبە زەخمدار بوین، و دیاری کرد کە وەردەوەردەگە لە دویای دەمەقاڵیگ وەگەرد کەسیگ دەسوەپی کرد کە هاتیە ماشینەگەی لە وەردەم ماڵیگ بووسنێد، کە دوو برا لە ماڵەگەو هاتنەسە دەر و بویەسە جەنگیان.

سەرچەوەگە وتیش: خاوەن ماشینەگە وە چەقوو پەلامار دوو براگە داگە، و ئەوانیش تەقە لەلی کردنە، و گولەیگ زەخمداری کردگە، ز گشتیان ئەرا خەسەخانە بریان، و لێکۆڵینەوە لە رویداوەگە واز کریا.