هەواڵی کوردستان ئێستا

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە گلەوداین گەشتیاریگ چینی، وەلایەن ئیدارەی فرۆکەخانەی کەرکوک، ئەرا ئەو فرۆکەخانە کە لەلیەو هاتیە لەدویای ئەوەگ ئاشکرابوی پاسپۆرتەگەی ڤیزای ئیسرائیل هالەقیەو.

سەرچەوەگە وە ئاژانس شەفەق نیوز خەوەردا "ئیدارەی فرۆکەخانەی کەرکوک  وە نوێنەرایەتی وەڕێوەبەر بەش پاسپۆرتەیل فرۆکەخانەی کەرکوک عەمید سەعەد شەلال ئەلتمێمی خەوەردا، لەوەخت دویزەوکردن  ئەرا پاسپۆرتەیل گەشتیارەیل کە ئەرا فرۆکەخانەی ناودەوڵەتی کەرکوک هاتنە، لەری گەشتیگ لە یەکیگ لە فرۆکەخانەیل ناودەوڵەتی، ئاشکرابوی هاوڵاتیگ چینی ڤیزای ئیسرائیل هەڵگردیە".

وتیش؛ "بەش پاسپۆرتەیل بڕیاردان وە وەناونەهاتن گەشتیارە چینیەگە و دووارە گلەوداینی ئەرا ئەو فرۆکەخانە کە لەلیەو هاتیە  وەپای ئەوەگ مامەڵەکردن وە ڤیزای ئیسرائیل وە گشت جویریگ لە جویرەیل قەیەغەس".