هەواڵی کوردستان ئێستا

شەفەق نیوز/ کڕ ئاسمانی عراقی، ئمڕوو یەکشەممە، بڕیاردا وە وسانن گەشتەیل ئاسمانی ئەرا لوبنان لەوەر پیشهاتەیل نوویەیل ئەمنی کە سوریا وەخوەی دی لەدویای رمیان رژێم بەشار سەد وەلایەن کۆمەڵەیل بەڕەنگاەیل.

کڕ ئاسمانی ئمڕوو لە بەیاننامەیگ راگەیان "وە ختانە گەشتەیل ئاسمانی لەناوەین بەغداد و بەیروت وسێد باوجی گەشتەیل خۆرایی هەس تایوەت وە گواستنەوەی ئتو لوبنانیەیلە کە میوانن لەعراق خوازن ئەرا وڵاتەگەیان گلەوبخوەن".

ئاشکرایکرد، "ئێ بڕیارە لەوەر ئەوەزڵکردنەیل بارودۆخ ئەمنی هات لە کەشوهەوای سوریا کە ری ئاسمانی سەرەکیە ئەرا ئێ گەشتەیلە، وەگەرد وەردەوامبوین چەودێریکردن دواپیشهاتەیل و هەماهەنگی وەرد لایەنە تایوەتەیل ئەرا مەزەنەکردن بارودۆخەگە".