هەواڵی کوردستان ئێستا

شەفەق نیوز/ ئویشن ئەگەر قسەکردن نوقرە بوود قسەنەکردن تەڵاس، گاجاریگ بیدەنگی خاسترین وژاردەس وە تایبەت لەبڕیگ بارودۆخەیل هاتێ قسەکردن بوودە هووکار دروسبوین گیچەڵ.

وەپای باوەتیگ لە رووژنامەی تایمز تایمز ئۆف هیندستان، توێژینەوە و لێکۆڵینەوە دەروونییەگان لەی چوار حاڵەتە پشتگیری کەن کە بیدەنیگ ژیرانەترین کارە، وەیجویرەی خوارەو:

1. هنای کەسیگ دەردە دڵ خوەی کەێد، گرنگە لەوە بڕەسید هنای کەسیگ دەدەڵ خوەی ئەراد کەێد وە هویردی گوش بتەکن لەلی، پشتگیری بکە، تا ئەو وەختەی قسەی تەواوکەێد بایەت  بی دەنگ بوی.

2. جواوداین قسەی ناخوەش و هەنەکی وەپید، فرەجار جواوداین لەی وەختەیلە بوودە هووکار بەرزەوبوین بلویزەی ئاگر زیاتریگ و کاردانەوەی بەدتریگ لەلی کەفێد، خاسەرین ریگە ئەرا مامەڵەکردن لەی وەختە ئارام بوین و بیدەنگیە.

3. مقیەتیکردن نهێنی، وەختیگ کەسیگ متمانە وەپی کرێد وەلایەن کەسیگەو و نهێنی وەپی سپێریاس، بایەت ئاگارد بوود متمانە لەدەس نەدەێد، جا چ لە پەیوەنی کەسیەگان یا پیشیەگان بوود.

4. نادڵنیایی یا کەمی زانیاری لە قسەکردن، وەبی  زانین راستییەگان قسەکردن بوودە هووکار گیچەڵ، هاتێ قسەگە هەڵەبوود ، تەمێ بەدیگ بوود یا متمانەی کەسەیل لەدەس بدەێد، وەمدوویە  ئارامگردن و بێدەنگیی خاسترینە.