هەواڵی کوردستان ئێستا

شەفەق نیوز/ سەرچەوەیگ پزشکی لە خەسەخانەی قەزای سامەڕا لە پارێزگای سەڵاحەدین، ئمڕوو سێشەممە، خەوەردا لە دراوردن تەرم باوگیگ تەقەلا کاکە دویەتەی لە خنکیان رزگار بکەێد، کە تەرمەگەی لە بەنداو سامەڕا پەیا کریا.

سەرچەوەگە ئەرا ئاژانس شەفەق نیوز وت: تیمەیل رزگارکردن لە بەنداو سامەڕا توەنستن نیمەڕو ئمڕوو تەرم (عبدولرەزاق ئەحمەد) درارن کە لە ڕووژ 25 تشرین دویەم خنکیا، هەناێ تەقەلا دا دویەتەگەی رزگار بکەێد، دویای کەفتنی وەناو چەم دیجلە.

سەرچەوەگە وتیش: تەرمەگە نزیکەی 15 رووژ لەناو چەن بویە، و ئەرا پزشک دادوەری بریا تا ناسنامەی بناسن.

سەرچەوەگە وتیش: دەروازەیل بەنداوەگە نەیشتن تەرمەگە وەناویانەو رەد بوودر و هەر لەورا گیر هاتوێد تا کەفتە وەر چەو دوو کارمەن لە بەنداوەگە.

لە 25 تشرین دویەم گوزەشتە، سەرچەوەیگ ئەرا ئاژانس شەفەق نیوز وت: دویەتیگ لە تەمەن هەفت ساڵان مەوقەی بازیکردن نزیک چەم دیجلە لە ئاوای ئەلبوتوعما لە قەزای بێجی کەفتە ناو ئاوەگە و باوگی تەقەلا دا رزگاری بکەێد، و ئەویش وەگەردی خنکیا.

سەرچەوەگە وتیش: تیمەیل رزگارکردن توەنستن تەرم دویەتەگە داررن، و کەفتنە مینەی تەرم باوگە کە تەمەنی 30 ساڵان بویە.

لە رویداویگ ترەک، سەرچەوەیگ ئەمنی ئەرا ئاژانس شەفەق نیوز وت: ژنیگ وە گولەی هەڵە زەخمدار بوی، هەناێ دەوانچەی شویەگەی کەفت، کە ئەفسەرە وە پلەی عەمید پولیس.

دیاری کرد کە رویداوەگە لەناو گەراج ماڵەگەیان بویە لە ناوچەی زەیونە خوەرهەڵات بەغداد، وتیش: ژنەگە ئەرا خەسەخانە بریا، و شویەگەی خریا ژیر چەودیاریکردن ئەمنی.