تەقیان تەنیگ نامۆ بوودە هووکار مردن دویەتیگ لە باشوور عراق
2024-12-11 11:40:23 - سەرچاوە: شەفەق نیوز
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە مردن دویەتیگ وە تەقیان تەن نامۆیگ لەقەزای زبێر لە پارێزگای بەسڕە باشوور عراق.
سەرچەوەگە وە ئاژانس شەفەق نیوز وت، "زانیاری رەسیەس وە پۆلیس لە رویداو مردن دویەتە مناڵیگ لە داڵگبوی 2016 لەناو ماڵ خوەیان لەناوچەی خور ئەلزوبێر".
ئاشکرایکرد "مانەگە هەردووگ دەسی بڕیاگە و روخساری تێکچگە لە ئەنجام تەقیان تەن نامۆیگ لەناو وتاقەگە وەپای قسەی کەسوکاری".
وتیش؛ وەلایەن مەفرەزەی تاوانناسی لێکۆڵینەوە لە تەرمەگە کریا ئەرا خەستەخانەی زبێر گشتی کلکریاس ئەرا دانەوەی وە دەس باوگی تا لێکۆڵینەویگ قویڵترەک لەلی بکەن.
