ئاڵشتبوینەیل ئیداری وەبان چوار کەس لە شارەوانیەیل دیالە.. بەڵگەنامە
شەفەق نیوز/ پارێزگار دیالە، عەدنان محەمەد عەباس تمێمی، ئمڕوو چوارشەممە، فەرمان ئیداری دەرکرد ئەرا ئاڵشتکردن چوار کەس لە پارێزگاگە.
وە پشت بەسان وە بڕیارەگە دەسڵاتدان یاسایی و هەوەجەیل بەرژەوەنی گشتی"، چوار وەڕێوەبەر دویرەوخریانن و کەسەیل ترەک لە شوینیان دانریا ئەرا ماوەی سێ مانگ.
وەپای نویسریاگیگ فەرمی کە بڵاوکریاس و دەس ئاژانس شەفەق نیوز کەفتیە ئاڵشتکاریەیل وەیجویرەن:
لاوردن وەڕێوەبەر شارەوانی "عەلی زهوری رەشید" دانان "جەمال جەمیل حەمەد" وە ئەرک ئیداری شارەوانی.
لاوردن وەڕێوەبەر شارەوانی جەلەولا "عومەر عەبدولرەحمان" راسپاردن "جومعە سەلمان مەهدی" لەجیاتی.
لاوردن وەڕێوەبەر شارەوانی هبهب "فەرحان هاشم مەحمود" راسپاردن "هاشم جەبار عەبدولرەحمان" لە ئیدارەی شارەوانیەگە.
لاوردن وەڕێوەبەر شارەوانی موقدادیە "عەلی هادی مەحمود" و راسپاردن "ئیمان حسین جاسم" وە ئەرک ئیداری سارەوانی.
دووپاتکرد، ئێ نویسریاگە لە بڕوار چوڵەوکردن دەسکرێد وە دەسوەکاربوین.
