هەواڵی کوردستان ئێستا

شەفەق نیوز/ مەحمود ماهر جومرد، وەڕیەوبەر خەسەخانەی کەرکوک، راگەیان کە تیمیگ پزشکی توەنستن نەشتەرگەری فریاکەفتن ئەنجام بەێد ئەرا دراوردن دوو کوچگ گەورە لەناو میزەڵدان پیاییگ لەناو تەمەن شەس ساڵە، کە نزیک بوی بمرێد.

جومرد ئەرا ئاژانس شەفەق نیوز وت: تیمیگ پزشکی سەرکەفت لە جیوەجیکردن نەشتەرگەری فریاکەفتن ئەرا دراوردن دوو کوچگ گەورە لەناو میزەڵدان پیاییگ لەناو تەمەن شەس ساڵە، نزیک بوی لەوەر ئەو دوو کوچگە گیانی لەدەسبەێد، کە کەفتە ژیر نەشتەرگەری زویوەزوی.

وتیش: تەندروس بیمارەگە ئارامە دویای دەرچگنی لە نەشتەرگەری.

هەرلیوا، دکتۆر عەلی سهران خۆرشید پزشک سەرپەرشتیار نەشتەرگەری وت: بیماریگ رزگار کریا کە زیان لە پەککەفتن گورچگ داشت وەگەرد دوو کوچگ وە قەوارەی 7 cm x5 cm و5 cm x3.5 cm لەناو میزەڵدانی.

وتیش: ئەو بیمارە لە تەمەن 60 ساڵە خریا ناو یەکەی فریاکەفتن لە خەسەخانە فێرکاری کەرکوک و دویای تاقیکردن و تیشک دەرکەفت کە ئەرکەیل گورچگەیلی بەرزەو بوینە، و فشاری بەرزە و دڵی خاس نیەکوتێد، ئەراوە کەفتە ژیر نەشتەرگەری زویوەزوی ئەرا رزگارکردنی.

تیمە پزیشکیەگە هەرلە دکتۆر عەبدولکەریم، و پسپۆر سڕەوکردن خانمە دکتۆر خەلا، و دەسمیەتیدەر نەشتەرگەری محمد ئەزغەر و ئارام یاوەر سڕەوکردن لەناوی بوین.