ئەرا سێیەمینجار گورچگ وەراز لەناو لەش ئایەم کاڵیەێد
شەفەق نیوز/ ئەرا سێیەمینجار لەبان ئاست جهان توەنریا گورچگ وەرازیگ ئەرا بیماریگ بگوازنەو.
توانا لونی ژنیگ ئەمریکی تەمەن 53 ساڵانە، لە ساڵ 1999 گورچگی وە داڵگی بەخشیە، باوجی دویای رەدبوین چەن ساڵیگ و ئەو گورچکەی کە مەنێبوی توویش لە کارکەفتن بوی.
بیمارەگە لەساڵ 2017 چەوڕێ دەسکەفتن گورچگ بیماریگ بوی باوجی دویای ئەوەگ لە کۆتایی دەسینەکەفت و پزیشکەیل بی ئومێدبوین چونیکە هویچ هاوتای گوچگەگەی خوەی دەسی نەکەفت.
لەمانگ تەشرین دویەم ئمساڵ پزیشکەیل بڕیاردەن گورچگیگ وەراز ئەرا بیمارەگە بکاڵن، وەی مدوو نەشتەرگەریگ سەرکەفتی ئەنجامدان.
دویای رەدبوین سێ هەفتە وەبان نەشتەرگەریەگە توانا راگەیان هەس کەم زندگی نوویگ وەپیم بەخشریا.
لە ماوەی گوزەشتە دوو نەشتەرگەری ترەک کاڵین گورچگ وەراز ئەنجامدریاس، باوجی هویچ کام لە بیمارەیل نەتوەنستن لە ژیان وەردەوام بوون.
