هن سەردەم شاه غازیە.. دووارە وازکردن پیەڵ کویەنە لە موسڵ
شەفەق نیوز/ رەزوان شەهوانی وەڕیەوبەر ریوبان و پیەڵەیل نەینەوا، ئمڕوو شەممە، دووارە وازکردن پیەڵ کویەنە راگەیان دویای چەن مانگیگ لە بەسیان ئەرا خاسەوکردن، وەگەرد وەردەوامی کارەیل لە ژیر پیەڵەگە تا تەواوبوین گشت کارەیل خاسەوکردن.
وەڕیویەر ریوبان و پیەڵەیل نەینەوا ئەرا ئاژانس شەفەق نیوز وت: ئی پەیڕەو لە پەنج پیەڵەیل ستراتیجیە کە ناوچەیل گرنگ باشوور موسەڵ وەیەکەو بەسێدەو، لە وەخت جەنگ ویران بوی، و حەیدەر عبادی سەرۆک وەزیرەیل وەرین لە ساڵ 2017 دویای دووارە خاسکردنی وازی کرد.
وتیش: ئەو پیەڵە کە میژوو بیناکردنی چوودەو ئەرا سەردەم شاه غازی لە سیەیل سەدەی گوزەشتە، و لە سومبولەیل میژووی گرنگ شارەگەس، و ئەرا خاسەوکردن تا ماوەی یەک ساڵ بەسیا، تا زەرەدیگ وەپی نەڕەسێد.
دووپات کرد کە ماڵەیل خاسەوکردن لە ژیر پیەڵەگە وەردەوام مینێد تا وەتەواوی پڕۆژەگە رەسێدە کۆتایی، کە یەیش گامیگ گرنگە ئەرا گلەوداین ژیرخانەیل موسڵ دویای ساڵەیلیگ لە ویرانکاری.
