هەواڵی کوردستان ئێستا

شەفەق ئمڕوو/ کەسەی کەشناسی عراق، ئمڕوو یەکشەممە، مەزەنە کرد ئمشەو واران لە پارێزگای نەینەوا و دهۆک بوارێد.

دەسەگە لە بەیاننامەیگ رەسیە ئاژانس شەفەق نیوز وت: نەینەوا و دهۆک چەوەڕی واران سووکیگ ئیوارە و ئمشەو کەن، و لە شەفەق دووشەمە، رەسێدە باکوور ئەنبار لە شار قائم.

دەسەگە مەزەنە کرد دەرفەت واران تا شەوەکی رووژ دووشەممە وەردەوام بوود.

وەرکویە، دەسەی کەشناسی لە بەیاننامەیگ وت: کەشوهەوای سوو دووشەممە، نیمچە ئەور بوود، وەگەرد نمە وارانیگ لە بەشیگ لە ناوچەیل باکوور، و مەوقەی شەوەکی زوی تەم دروس بوود، کەمکەم نیەمینێد، و پلەی گەرمی مەزن وەیجویرە بوود: بەغدا و ئەنبار و سەڵاحەدین 16، دهۆک و دیالە و هەولێر ت نەینەوا 15، واست و بابل و کەربەلا 17، میسان و دیوانیە و نەجەف 18، زیقار و موسەنا و بەسڕە 19.

وتیش: پلەی گەرمی بویچگ وەیجویرە بوود: دهۆک 2، هەولێر 3، سلێمانی 1، بەغداد و ئەنبار و کەرکوک 5، واست و دیوانیە و موسەنا و بەسڕە 7".

وتیش: رووژ سێشەممە، لە بەشیگ لە ناوچەی باکوور و باشوور نیمچە ئەورە تا ئەور تەواوە وەگەرد واران جیاجیا، و مەوقەی شەوەکی زوی تەم دروس بوود و کەمکەم نیەمینێد، و پلەی گەرمی لە گشت ناوچەیل وڵاتەگە کەمیگ بەرزەو بوود.

وتیش: رووژ چوارشەممە، لە گشت ناوچەیل وڵاتەگە رووشنە وەگەرد لەکە ئەوریگ، و مەوقەی شەوەکی زوی تەم دروس بوود، و کەمکەم نیەمینێد، و پلەی گەرمی نزیک رووژ وەرجە خوەیە.

دەسەگە وتیش کەشوهەوای وڵاتەگە ئەرا رووژ پەنجشەممەی ئایندە، لە گشت ناوچەیل وڵاتەگە رووشنە و کەمەکەم بوودە نیمچە ئەوریگ، و پلەی گەرمی نزیک رووژ وەرجە خوەیە.