هەواڵی کوردستان ئێستا

شەفەق نیوز/ نویسینگەی کۆمسیۆن باڵای مافە مرۆڤ لە دیالە، ئمڕوو دووشەممە، ئاشکرا کرد کە زیاتر لە 60 خوەیکوشتن کە وە مردن کۆتایی هات، لە ماوەی ئەمساڵ لە پارێزگاگە توومار کریاس.

 وەڕێوەبەر فەرمانگەگە، سەڵاح مەهدی، ئەرا ئاژانس شەفەق نیوز وتئ: “ئامار خوەیکوشتن کە وە مردن کۆتاییان هاتگە لە پارێزگاگە تا ئیسە 60  خوەیکوشتن رەد کرد، یەیش بیجگە لەوە کە دەیان تەقەلای ڕزگارکریای توومارکردگە”.

 وتیش: دیارترین مدووەیل خوەیکوشتن لە پارێزگاگە بریتین لە گیچەڵ ئابووری و دەروینی، ناپاکی هاوسەرگیری و رەفتارکردن وە ریبا، یا ئەوەگ ەە (فایز) ناسیاس".

 دووپاتیش کرد کە "فرە لە قوربانییەیل لەوەر کەڵەکەبوین قەرز لەبانیان لەلایەن فەرمانگە بانکییەیل کە کار ریبا (فایز) کەن وە بڕە پویلیگ کە ناچاریان کردگە ماڵ و دارایی خوەیان لەدەس بیەن و خیزانەیلیان بشیونن، کە دویاجار خوەیان کوشن". 

 مەهدی وتیش: "دیاردەی کارکردن وە ریبا  بڵاوە بابە و گیچەڵ فرەیگ لەناو مەردم دروس  کەێد، لەوەر نەویین  چەودیاریکردن و ریکارەیل ریگری حکومەت لە پرسیارکردن وەگەرد ئەوانەگ ئی کارەیلە کەن "، و داوای "گرنگی کۆتاییهاوردن وەی دیاردە کرد". ئەرا نواگیریکردن کاردانەوەی بەد لەناو کۆمەڵگا”.