هەواڵی کوردستان ئێستا

شەفەق نیوز/ وەڕێوەبەرایەتی دژە تاوانەیل بەغداد، ئمڕوو سێشەممە، دەسگیرکردن تووڕیگ راگەیان کە خوەیان وە پیای ئەمنی ناساننە نزیکەی یەک ملیار دینار و ماشینیگ لە جویر کادیلاک لەناو ماڵیگ لە بەغداد دزینە.

وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت، "مەفرەزەی وەڕێوەبەرایەتی دژە تاوانەیل بەغداد، توەنست تووڕیگ چەکداریگ دەسگیربکەێد  کە خوەیان وە پیای یەکیگ لە فەرمانگە ئەمنیەیل ناساندبوین، کارەیل دزی چەکداری ئەنجامدانە وەبان ماڵیگ لەناوچەی منسووڕ بەغداد".

وتیش "چەتەیل بڕە پویلیگ نزیکەی یەک ملیار دینار عراقی وەگەرد ماشین نوویگ لە جویر کادیلاک دزینە".

وتیش "لە دویای رەسین زانیاری وە مەفرەزەی وەڕێوەبەرایەتیەگە،  تیمیگ کارکردن دروسبوی و رەسینە شوین رویداوەگە ئەرا کووەوکردن بەڵگە و پەیاکدن تاوانبار، لە ماووەی تەقەلایەیل، رەسینە ئەندامەیل تووڕەگە و دەسگیرکریان، لە لێکۆڵینەوەکردن وەگەردیان دان وە راسی تاوانەگە دانانە".

هەمیش، سەرچەوەیگ ئەمنی خەوەردا لە دەسگیرکردن دزیک کە هەڵکوتاسە بان زانکۆی مۆستەنسەڕیە لە بەغداد ئەرا دزیکردن.

سەرچەوە ئەمنیەگە وە ئاژانس شەفەق نیوز وت؛ "ئەندامەیل ئەمنی توەنستن کەسیگ دەسگیربکەن لەناو زانکۆی موستەنسەڕیە لە شەوکی ئمڕوو".

وتیش "ئەو کەسە دەسگیرکریا و دان دانا وە راسی کە لەوەر دزیکردن وەناو زانکۆ هاتیە".