حەفت ملیار دینار بۆ ئاڤەدانیا شنگال هاتیە تەرخانكرن
قایمقامێ قەزا شنگال دیاركركو كوژمێ 7 ملیار دیناران بۆ ئاڤەدانیا شنگال هاتیە تەرخانكرن. ئەڤ كوژمێ پارەی یێ كێمە بۆ ئاڤەدانیا شنگال چونكو رێژا وێرانكرنێ گەلەك مەزنە.
مەحما خەلیل، قایمقامێ قەزا شنگال بۆ (باسنیوز) دیار كر كو ب كوژمێ 10 ملیار دۆلاران زیان گەهشتیە شنگال،نها پارێزگارێ مووسل كوژمێ حەفت ملیار دیناران تەرخانكریە. ئەڤ كوژمێ پارەی نەگەهشتیە مە وپێدڤیە هەموو كار ب رێیا ئێدارا شەرعی یا شنگال بهێنە ئەنجامدان. ئەو كوژمێ پارەی یێ بۆ ئاڤەدانیا شنگال هاتیە تەرخانكرن یێ كێمە وتێرا ئاڤەدانیا شنگال ناكەت چونكو رێژا وێرانكاری گەلەك مەزن بوویە ل شنگال. ئەم دخوازین رەوشا شنگال ل دەستپێكێ بهێتە ئاساییكرن وئێمناهی ل دەڤەرێ دروست بیت چونكو هەكە تەناهی نەبیت خەلك نەشێن ڤەگەرن".
دووڤ ئامارێن رێڤەبەریا گشتی یا كاروبارێن ئێزدیان هەتا نۆكە 80 گۆرێن ب كۆم هاتینە دیتن و 360 ھەزار ئێزدی ژبەر تیرۆرستێن داعش ئاوارە بوون و 68 مەزارگەهێن ئێزدیان ژلایێ تیرۆرستێن داعش ڤە هاتینە پەقاندن.