هەواڵی کوردستان ئێستا

شەفەق نیوز/ دەسەی کەشناسی عراق، ئمڕوو پەنجشەممە، هویردەکاری مەزەنەی کەشناسی راگەیان و دیاریکرد وڵاتەگە کەفێدە وەر داوەزیانیگ کەش کە لە دەریای ناوڕاسەو تێد و بوودە مدوو ناجیگیری  کەش لە گشت شارەیل.

ئاژانس شەفەق نیوز هویردەکاری کەشوهەوای ئمڕوو پەنجشەممە تا چوارشەممەی ئایندە خەێدە روی وەپای راپۆرت کەشناسی عراق، کە ئوشێد؛ لە ماوەی ئمڕوو نیمەڕوو کەش لە ساماڵەو ئاڵشتبوود ئەرا نیمەئەور، گاجاریگ ئەورتەوایگ، دیاریکرد دەرفەت واران وارین سوک تا ناوڕاسیگ هەس، بەڵاچە ها وەگەردیا، وە تایوەت لە باکوور ئەنبار و نەینەوا و سەڵاحەدین و دهۆک و کەرکوک و لە ماوەی شەو دەرفەتەگە ئەرا شارەیل ترەک درویژەوبوود.

دیاریکرد، شەپوولیگ تەم خەسیگ دروس بوود لەناوچەیل ناوڕاس و خوەرئاوای وڵات و نەینەوا لەماوەی شەفەق و شەوەکی، وەرجە نیمەڕوو تونی کەمەوبوود، وتیش وا باشوور خوەرئاوا سوکیگ تا مامناوەنە وە خێرایی (10-20 كلم/ساعەت)، وەگەرد چالاکی وەرچەویگ لە شارەیل ناوڕاس و باشوور و خوەرئاوا بوودە هووکار بەرزەوبوین تەپوتوز.

ئەرا رووژ جومعە 27 کانوون یەکەم، کەشناسی وت کەش نیمەئەور تا ئەور تەواویگە، واران مامناوەنیگ وارێد وەگەرد بەڵاچە لەناوچەیل باکوور و خوەرهەڵات و ناوڕاس وەگەرد وەفر وارین لە بەرزایی کویەیلە.

لەباوەت رووژ شەممە 28 کانوون یەکەم کەشناسی وت، کەش نیمەئەورە لەناوچەیل ناوڕاس، لە باکوور و باشوور ئەورە، دیاریکرد لەناوچەیل باکوور و بەشەیل ناوڕاس و باشوور مەزەنەی واران کرێد، وەگەرد وەفر وارین لە ناوچەیل باکوور.

رووژ یەکشەممە 29 كانون یەکەم وە گشتی کەش  نیمە ئەورە، لە شەوەکی تەم دروس بوود و کەمکەمە داوەزێد، پلەی گەرمی نزیکە لە توومارەیل وەرجە خوەی.

لەباوەت رووژ دووشەممە 30 كانون یەکەم کەش ساماڵە وەگەرد دەرکەفتن لەکە ئەور لەناوچەیل ناوڕاس و نیمەئەور تا ئەور لە باکوور و باشوور، شەوەکی تەم دروسبوود لەناوچە جیاوازەیل، داوەزیان کەمیگ پلەی گەرمی.