دیالە.. زەخمداری 13 کەس وەرویداوەیل هاتوچو وە مدوو تەم خەسیگ
2024-12-26 11:55:17 - سەرچاوە: شەفەق نیوز
شەفەق نیوز/ سەرچەوەیگ تەندروسی لە دیالە، ئمڕوو پەنجشەممە، خەوەردا لە زەخمداربوین 13 کەس لەناویان ئەفسەریگ وەپلەی "عەمید" هەس لە وەزارەت ناوخوەی وە رویداوویل هاتوچو جیاجیا لە ناوچە جیاوازەیل پارێزگاگە وە مدوو تەم خەسیگ.
سەرچەوەگە وە ئاژانس شەفەق نیوز وت، "پەنج رویداو هاتوچو ئمڕوو شەوەکی لەناوچە جیاوازەیل دیالە رویدایە وە مدوو ئەو تەم خەسە کە نوای نوڕین رانندە ماشینەیل گردبوی و لە ئەنجام زەخمداریەیل سەخت و ناوڕاس کەفتەو".
وتیش "خەستەخانەیل پیشوازی لە زەخمدارەیل کردنە و تیمەیل پزیشکی رێکارەیل فریاکەفتن و چەودێری تەندروسی ئەنجامدانە".
