هەواڵی کوردستان ئێستا

کوڵە چیرووک

 پیاێ پیریگ وەگەرد کوڕ بیس و پەنج ساڵەی وەناو قەتار نیشتوین، هنای هەر یەک لە گەشتیارەیل وەبان کورسی یا تەخت خوەی نیشتوی قەتار کەفتە رێ.

هەگ دەسکردە ریکردن کوڕەگە لەلیو دەروەچەی نیشتوی لە شوور و شەوق و بی ئۆقرەیی بوی، دەسی لە دەروەچەیل دراورد هەس وە وای وەخت ریکردن قەتار ئەکرد، هاوار کرد : باوگە بنووڕ دارەیلە رێ کەن، پیاێ سنداریش وەبزگەخەنەی دڵەکوتەدار ئافەرم وە کوڕەی وەتیاد....

لە لاێ کوڕە گەنجەگە، ژن و پیاێ جوانێ دانیشتوین کە قسەیل باوگ و کوڕ شنەفتیان و لە رەفتار کوڕ گەنج کە چوو مناڵ پەنج ساڵەێ ڕەفتار کردیاد، ئەڵاجەۊان هاتیاد.

لەناوکاو کوڕ جوان دوجارە وە دڵەکوتە هاوار کرد: باوگە بنووڕ دەلیاگە، ئاژڵەیل و هەورەیل وەگەرد قەتارا رێ کەن، ژن و پیاێ وە دڵسووزیا نووڕیانە کوڕەگە.

واران دەس کردە وارین چەن تکە وارانیگ تکیە بان دەس کوڕە، ئەو وەشەوق و خوەشی لەمسێ کرد و چەوەیلێ نۊقان و دوجارە هاوار کرد: باوگە بنووڕ واران وارێ، ئاو تکیا ملما، ژن و پیاێ جوان دی تاقەت ناوردن و لە پیای وەتەمەن پرسیار کردن: یە ئەڕا ئی کوڕدە دەرمانێ پەیا نیەکەید یا نیەچیدە لاێ دکتۆر؟

پیاێ وەتەمەنەگە وەت: ئیمە هە ئێرنگە وە ناخوەشخانە تیەیمەو، ئمڕوو کوڕەم ئەرا یەکم جارە توەنێ وە چەو خوەێ بنووڕیدە ژیان.