هەواڵی کوردستان ئێستا

شەفەق نیوز/ دەسەی گشتی کەشناسی عراق راگەیان، ئمڕوو دووشەممە، زمسانەی دەمەو سەردە لە نیمەڕوو و لەشەو سەردیەگەی تونەوبوود، وەگەرد ئاسمان ساماڵیگ لە شاریگ ناوڕاس و باشوور بڕیگ ئەور هەس.

وەپای راپۆرت رووژانەی، کە دس ئاژانس شەفەق نیوز کەفتیە، لە هەرێم کوردستان و خوەرئاوای عراق (پارێزگای ئەنبار) کەش نیمە ئەورە و لە شەو بوودە ئەور تەواویگ وەگەردیا هاتێ نمە واران بوارێد لە ناوچە جیاوازەیل نەینەوا و باکوور ئەنیار واران و بەڵاچە بوود.

وتیش، پلەی گەرمی جیگیرە لە دویکە و نزیکە لە توومارەیل دویکە وەگەرد بەرزەوبوین کەمیگ؟لە شەو و شەوەکی.

راپۆرتەگە مەزەنەکەێد شەپوول تەم خەسیگ لە وەخت شەوەکی لە نەینەوا و دهۆک و هەولێر و سلێمانی دروسبوود، بوودە هووکار داوەزیان ئاست نوڕین ئەرا یەک کیلومەتر، وەرجە نیمەڕوو تەمەگە داوەزێد.

لەشارەیل ترەک، ئاست نوڕین .  5 و7 کم لەوەر دروسبوین تەم سوکیگ تا ناوڕاس.

 مەزەنەی رووژەیل ئایندە

سوو سێشەممە.. کەش نیمە ئەورە لەناوچەیل ناوڕاس و باکوور، وەگەرد دەرفەت واران وارین و بەڵاچە لەناوچەیل خوەرئاوا، هەمیش مزەنەی وەفر وارین و واران سوکیگ کرێد لەناوچەیل خوەرهەڵات باکوور، و کەشوهەوا لە باشوور رووشنە وەگرد بڕیگ ئەور، و لە وەخت شەوەکی تەم  دروسبوود لە بڕیگ ناوچە و کەمکەمە داوەزێد.

چوارشەممە.. کەش رووشنە وە گشتی وەگەرد دەرکەفتن بڕیگ ئەور، لەناوچەیل ناوڕاس شەوەکیەگەی نیمەئەورە، وەگەرد دەرفەت واران وارین سوکیگ لە بەشەیل خوەرئاوا، لە وەخت شەوەکیش تەم دروسبوود و کەمەکمە داوەزێد.