هەواڵی کوردستان ئێستا

شەفەق نیوز/ لە بەغدای پایتەخت بازاڕیگ هەس ئەرا فرووشتن ئەنتیکە چشتەیل کویەن و بەشیگ لە ناوەندە پەیوەندیدارەگانیش جاروبار بازاڕیگ راگەینن کە لەناوی ئەنتیکەی دەگمەن لە ری زیایکردن ئاشکرای گشتی فرووشیەن، نرخەیلییش لە ناوەین ناوڕاس و گرانە. بەغدادییەیل ئی ئەنتیکەیلە سینن، کە بەشیگیان وە گەنجینەی بەرزتر لە تەڵا و ئەڵماس زانن، ئەرا هەڵڕازانن روی ماڵەیلیان یا دانان بەشیگیان لە ژوور خەفتن. لە دوایین بازاڕ زیایکردن گشتی کە لە بەغدای پایتەخت وەڕیەو چگ، هاوەخت وەرد سەرەتای ساڵ نوو هات، ئەنتیکەی هونەری و چشتەیل کویەن خاس دروسکریاگ وە شیوەی ئەندازەیی جویراجویر نمایشکریا و شمارەیگ لەو چشتەیل کوینە وە بەشیک لە ئامادەبویەیل فرووشیان . سەرەتای زیایکردنەگە وە پیشکەشکردن گوڵدان کریستاڵ وە نرخ 30 هەزار دینار عراقی دەسوەپی کرد، و بویە بەش  یەکیگ لەو کەسەیلە کە وە نرخ 100 هەزار دینار عراقی (79 دۆلار) سەنەی.ئی زیایکردنە یەکەم فرووشتن لەی شیوەس، وەقسەی موهەنەد فازڵ مەجید (یەکیگ لە دامەزرێنەرەیل ئەو زیایکردنە)، کە وت:  ئەو زیایکردنە ئیسە جیاوە کریاس لەوەر زیایکردن مۆدێرنیتە ئەرا ئەنتیکە لە ری شیوەی نمایشکردنەگە. مەجید لە قسەیلی ئەرا ئاژانس شەفەق نیوز: رێکخستن زیایکردنە هەکاتی فرووشتن ناودەوڵەتی وەڕیەو چوود، کە نرخ ئەنتیکە لە 25 هەزارەو دەسوەپی کەێد  تا 100 ملیۆن دینار، هویچ سنووریگ ئەرا نرخ پارچە ئەنتیکەیل نەنریاس، کە چشتەیل خوەیان لە  شیوەی رەسەنایەتی و کوالیتی و ڕەنگینیان نرخ خوەیان چەسپنن. لەی زیایکردنە چەن پارچەیگ کویەن و سەردەمیانە پیشکەش کریان، کە بەشیگیان وە شاکاریگ کوالیتی بەرز و کار دەسی دریەنە قەڵەم، کە میژوویان چوودەو ئەرا وەختە جیاوازەیل میژوو هاوچەرخ عراق هەرزانترین پارچەی فرووشیاگ ئەوانەن کە لە کریستاڵ دروسکریانە، لە وەختیگ نرخ تابلۆیل هونەری چووین، و قالی عراقی فرە گرانە. شانازی وە میراتەو ئەوەگ جی داخە، وەقسەی ڕێکخەرەیل زیایکردنەگە، ئەوەسە کە تابلۆ هونەرییە عراقییەیل لەوەر نەوین ناوبانگیان لە بازاڕ جەهانی لەلایەن فرەیگ بی ئەرزشە، کە داوا لە ئۆرگانەیل رووشنهویری و هونەری کەن، هونەر و فۆلکلۆر عراقی هەناردە بکەن، کە میژوو وڵاتەگە ئەرشیف کەێد، وەقسەی محمد عەبدولئەمیر ئەلخەفاف (یەکیگ لە سەرپەرشتیارەبل بازاڕەگە). خەفاف، لە قسەیلی ئەرا ئاژانس شەفەق نیوز وت: “بەرژەوەنی ئەرا  هەناردەکردن میراتی عراق وەرەو بازاڕ جەهانی خوازێد وە بڵاوکردن تابلۆی هونەری کە میرات و فۆلکلۆر عراقی نشان دەن”. پرۆژەی زیایکردن ئاشکرای ئەنتیکە، کە لەناو هۆڵیگ تایبەت وەڕیەو چوود، ئەرا و هەڵسەنگاندن کەلوپەل کویەن و میرات و کار دەسی هونەری، تەنیا وە چالاکییە بازرگانییەیل سنووردار نییە، وەقسەی خەفاف؛ بەڵکم ئامانجی ئەوەسە بڵاوکردن کولتور زانین ئەنتیکە و میراتە کولتوورییەیلە وە دووارەکردن ئەو کارە لە هۆڵیگ کە بازرگانەیل و شارەزایل هونەر عراقی گردەو کەێد.ئی زیایکردنە یانزەهەمین زیایکردنە لە زنجیرەیگ زیایکردن کە لەی هۆڵە (مانگانە دووجار) وەڕیەو چوود، ئەرا نمایشکردن ئەنتیکەی ناوخۆیی و ناودەوڵەتی ئەرا شارەزایەیل.  جی باسە کە پڕۆسەی پیشکەشکردی داواکاری ئەرا سەنین تابلۆیل تەنیا ئەرا ئامادەبویەیل سنوردار نییە، بەڵکم وەشیوەی "ئۆنلاین"یش ئەنجام دریەێد، کە ئەوانەگ وەرپرسن لەڕی ماڵپەڕەیلیان پەخشیگ زنی لە سەرجەم سایتەیل تووڕ کۆمەڵایەتییەیل بڵاو کەن کە تابلۆیل لەناوی نمایش کریەن و زیایکردنەگەیان واز کەن، یەیش ری وە کەسەیلە دەێد کە  لە وڵاتەیل ترک خوازن بەشداری بکەن. ئامادەبوین جیاواز بەشیگ لە ئارەزومەنەیل ئەنتیکە لەلایانەو ئی زیایکردنە یەکەم زیایکردنە لەیجویرە، کە سان گران زمورد و ئەڵماس و زەڕەنگەری دەگمەن لەناوی نمایش کریەێد، وەگەرد تابلۆ و پارچە ئەنتیکەیل وەقسەی دکتۆر قوتەیبە ئەلتەمیمی، بنەماڵە کوینەیل بەغداد مینەی فرووشتن  ئەنتیکە و زەڕینگەریی کەن و زویوەزوی رەسنە بەشداریکردن لەناوی.هاوڵاتی شەیما ئەلدولەیمی، سەردانکەر زیایکردنەگە، وت: ئەو تابلۆیلە لە زیایکردنەگە نمایش کریانە، گوزەشتە وە ئیسەو بەسێدەو، و قویلایی فۆلکلۆری وە نرخیگ نشان دەن.