سەلاحەدین هێزەیل ئەمنی له دەروبەر سێ پارێزگا مه‌زرنێ
شەفەق نیوز/ پارێزگای سەلاحەدین، ئەرا نواگردن پەلامارەیلیگ تیرۆرستانە ومقەیەتی ناوچەگان، ئمڕوو چوارشەممە، هێز ئەمنییگ زیاتر لە دەوروبەر پارێزگایل بەغدادو دیالەو ئەنبار بڵاوه‌و كرد.
محمد کەریم بەلداوی نوێنەر سەلاحەدین ئەرا ئاژانس شەفەق نیوز وت: ریکەفتنیگ بوی لەناوبەین دەمچەرمگەیل هوزەیل باشوور سەلاحەدین ( دجێل ، یەسرب ، حاتمیە ، بەنی جەمیل و خەمس توێڕ) وەل فەرماندەی ئۆپراسیۆنەگان سامەرا ئەرا بڵاوكردن هێزەل هاوبەشیگ زیاتر، وەگەرد کامیرایل گەرمایی، وجەختکردن لەبان كار ئەمنی وهەواڵگیری، ئەرا ئەو ناوچەیلە ک هاوسنوورن وەل بڕیگ لە پارێزگایل جوور بەغدادو دیالەو ئەنبار.
بەلداوی هەمیش وت؛ دەمچەرمگەیل سەلاحەدین داوا لە دەزگایل تایبەت وە پشتگیری کەیس ئەمنی شار سامەرا کردن، ئه‌را قایمکردن چواردەورپارێزگاگه لە هەر پەلاماریگ تیرۆرستانە، چوینکە شوینیگ ئاینی پیرۆزو دیاریە، نێود بكه‌فێده وه‌ر په‌لامار.