ئیلیۆن مەسک وە نیاز سەنین یانەی لیڤەرپوولە
2025-01-06 14:05:17 - سەرچاوە: شەفەق نیوز
شەفەق نیوز/ دەوڵەمەندترین پیاو جەهان، ئیلۆن مەسک، بڕیار سەنین یانەی لیڤەرپوولی دایە و تاد لە وەرانوەر شەش ملیار دۆلار یانە ئینگلیزییەگە بسینێد.
وەپای خەوەریگ رووژنامەی ویکند سپۆرت بەریتانی، ئیلۆن مەسک دەوڵەمەندترین پیاو جەهان وخاوەن کۆمپانیای تێسلا و تووڕ ئێکس، جویر تەقەلایگ ئەرا فراوانکردن دەسڵات خوەی لە بەریتانیا، بڕیاریدایە یانەیگ توپان بسینێد لەو وڵاتە و ئامانجەگەیشی یانەی لیڤەرپووڵە.
یانەی لیڤەرپووڵ لە ساڵ 1892 دامەزریاس و ئیرنگە جۆن ویلیام هێنری ئەمریکی سەرۆک یانەگەس، هەمیش وە درویژایی مێژوو یانەگە خاوەن 19 نازناوی پریمەرلیگ و شەش نازناو چامپیۆنسلیگە.
