دەسگیرکردن بازرگانیگ مادەی هووشبەر لە نەجەف وەگەرد چوار کەس کە دوکانیگ سزاننە لە بەغداد
شەفەق نیوز/ سەرچەوەیگ ئەمنی لە پارێزگای نەجەف، ئمڕوو سێشەممە، خەوەردا لە دەسگیرکردن دوو کەس لە بازرگانەیل مادەی هووشبەر لەناوڕاس پارێزگاگە.
سەرچەوەگە وە ئاژانس شەفەق نیوز راگەیان " لە ئۆپراسیۆنیگ ئاسایش نیشتیمانی دوو بازرگان مادەی هووشبەر لە نەجەف دسگیرکرد کە یەک کیلوگرام مادەی کریستال هووشبەر وەپیان بویە.
وتیش: "هێزە ئەمنیەیل دەسگیرکریاگەیل ئەرا بنکەی دەسوەسەرکردن کلکردنە ئەرا تەواوکردن رێکارەیل یاسایی وەرانوەریان".
لە هەمان وەخت پۆلیس بەغداد کەرخ، دەسگیرکردن توومەتبارەیلیگ راگەیان کە دوکانیگ سزاننەو خاوەنەگەی زەخمداربویە، لە باکوور پایتەخت.
فەرماندەیەگە لە بەیاننامەیگ رەسیە ئاژانس شەفەق نیوز راگەیان "4 توومەتبار بۆمبیگ (مولوتوف) ئەرا دوکانیگ فروشتن کەرەستە خوەراکیەیل وشاننە لە ناوچەی دولعی لە بەغداد، بویە مدوو سزیان دووکانەگە و زەخمداری خاوانەگەی وە سەختی".
وتیش، "لەدویای خەوەرداربوین فەرماندەیی پۆلیس پارێزگای بەغداد کەرخ لەرویداوەگە، تیمیگ کارکردن تایوەت دروسکریا لەری چەودێری خەسیگ و کارکردن توەنستن بڕەسن وە گشت توومەتبارەیل و دەسگیریان بکەن لەدویای وەرگردن رەزامەنی دادوەر".
وتیش: "رێکارەیل یاسایی وەرانوەریان گیریاسەوەر و لێدوان لێیان وەرگیریاس دان وە رویداوەگە دانانە دەرچگە وردەوردە لەناوەینیان بویە".
