هەواڵی کوردستان ئێستا

شەفەق نیوز/ دەسەی گشتی کەشناسی عراق، ئمڕوو سێشەممە، راگەیان ناجیگیریگ کاریگەری وەبان وڵاتەگە کەێد و لەرووژ ئیوارەی سوو جومعەو دەسوەپی کەێد بڕوار 10 کانوون دویەم، و لە شەوەکی رووژ یەکشەممەی 12ی هەمان مانگ کۆتایی وەپی تێد.

دەسەگە لە بەیاننامەیگ ئاژانس شەفەق نیوز نوڕیەس وەپی راگەیان، وەپای مەزەنەیل سەرەتایی کەشوهەواگە لە سووک تا ناوڕاسە تونیەگەی، هاوکاتە وەگەرد رەدبوین بارستە وای سەردیگ لە تاقە بەرزەیل کەش، هاتێ گاجاریگ بارودۆخە بەدترەوبوود.

دەسەگە مەزەنەکرد، کاریگەریەگە لە نیمەڕووی رووژ جومعە دەسوەپی کەێد  وە وایگ وە ئاراستەی باشوور خوەرهەڵات، وە تونی مامناوەنیگ وەی ئاراستە وەردەوم بوود، وەگەرد بڕیگ چالاکی سوکیگ لە شارەیل باشوور، دویای وا ئاراشت بوود ئەرا ئاراستەی باکوور خوەرئاوا مامناوەیگ تا گورجیگ لە شەوەکی رووژ یەکشەممە.

ئەوەگ پەیوەنی وە وارانەو بیاشتوود، دەسەگە مەزەنەکەێد واران سوک تا مامناوەنیگ وارێد لەو ماوە لە ئیوارەی رووژ جومعە دەسوەپی کەێد  شارەیل ناوڕاس و باکوور عراق گرێدەو، بڕیگ لە شارەیل باشوور لە نیمەڕوو و ئیوارەی شەممەس، گاجاریگ وارانەگە رفتەوبوود، وەگەرد مەزەنەی وەفر وارین لەبان بەرزایی کویەیل هەولێر و سلێمانی، دەسەگە دیاریکرد شارەیل باشوور عراق کەمترین بڕ  واران وارێد.

دەسەگە دووپاتکرد هویچ نیشانەیگ ئەرا سەردی تونیگ بەستەڵەکی نییە، و کەمیگ پلی گەرمی داوەزیان وخوەی دوینێد.