هەواڵی کوردستان ئێستا

شەفەق نیوز/ فرووشەیل دۆلار لەلای بانک ناوەندی عراق، لە ماوەی ئەو چوار رووژە کە لە هەفتەی گوزەشتە زیایکردنەگە واز کرد، رەسیە زیاتر لە یەک ملیار دۆلار.

پەیامنێر ئاژانس شەفەق نیوز وت: بانک ناوەندی لە ماوەی هەفتەی گوزەشتە، و لەو چوار رووژە کە زیادکردنەگەی واز کرد، رەسیە یەک مليار و 164 ملیۆن و 440 هەزار و 93 دۆلار، وەڕیژەی رووژانەی 291 ملیۆن و110 هەزار و 23 دۆلار، نزمتر بوی لە هەفتەی گوزەشتە کە ریژەی فرووشەیلی رەسیە 292 ملیۆن و 133 هەزار و 684 دۆلار.

بەرزترین فرووشەیل لە رووژ یەکشەممە بوی کە رەسیە 297 ملیۆن و 78 هەزار و 208 دۆلار، و کەمترین فرووشیش رووژ پەنجشەممە بوی کە رەسیە 286 ملیۆن و 341 هەزار و 575 دۆلار. 

پەیامنێرمان وتیش: فرووشەیل هەواڵەی دەرەکی لە ماوەی هەفتەی گوزەشتە رەسیە یەک مليار و 98 ملیۆن و 890 هەزار  و 93 دۆلار، وەرانوەر فرووش کاش کە رەسیە 65 ملیۆن و 650 هەزار دۆلار.

بانک ناوەندی لە هەفتەی گوزەشتە، زیایکردنی لە چوار رووژ یەکشەممە، سێشەممە، چوارشەممە، پەنجشەممە، واز مرد، کە رووژ دووشەممە وەبوونەی جەژن سوپا دەوام فەرمی پەکی خریا.