لە هێرشێکی ئاسمانیدا چوار چەکداری داعش لە چیای حەمرین دەکوژرێن
2025-01-11 23:00:18 - سەرچاوە: دەنگی ئەمەریکا
بەرپرسانی ئاسایشی عێراق ڕایانگەیاند چوار چەکداری داعش کە دووانییان سەرکردەی باڵای گروپە تیرۆریستییەکە بوون لە هێرشێکی ئاسمانی فڕۆکەیەکی عێراقیدا لە چیاکانی حەمرین لە ڕۆژهەڵاتی عێراق کوژراون. خانەی میدیای ئاسایشی عێراق کە بەرپرسە لە بڵاوکردنەوەی زانیارییە ئاسایشییەکان، وتی چوار تەرمی چەکدارانی داعش لەو ناوچەیەدا دۆزراونەتەوە کە فڕۆکەیەکی شەڕکەری F-16 ی عێراقی ڕۆژی هەینی بۆردومانی کردووە. تاڵیب ئەلموسەوی بەرپرس لە حەشدی شەعبی بە ڕۆیتەرزی وت لە نێو کوژراوەکاندا دوو سەرکردەی باڵای داعش هەبوون لە پارێزگای دیالەی ڕۆژهەڵاتی عێراق. سەرچاوە/ ڕۆیتەرز
