هووکار مردن لیام پەین ئاشکراکریا
شەفەق نیوز/ هووکار مردن لیام پەین راگەینریا و هووکارەگەیش گلەودریا وە مدوو "پۆلیترۆما" ، کە بیماریگە لە زەبر تونیگەو تویش ئەندامەیل ناو لەش بوود.
دادگای پزیشک دادوەری بەکینگهامشایر هووکار مردن گورانیچڕ پۆپ، لیام پەینی 31 ساڵ راگەیان، یەیش لەدویای لێکۆڵینەوەیل ئەو وڵاتە و دەستگیرکردن پەنج کەس جویر توومەتبار.
دویای ئەوەگ ئاسارەی وەرین گروپ وەن دایرکشن لە باڵکۆن نهۆم سێیەم هۆتێل کاساوە لە بۆینس ئایرێس لە ئەرجەنتین کەفتەخوار، داواکاری گشتی تاوان و چاکسازی نیشتمانی ئەرجەنتین لە بەیاننامەییگ راگەیاندبوی، وەڕێوەبەری هۆتێلەگە و پێشوازیکار و هاوریگ پەین وە تاوان کوشتنی بێ ئەنقەست توومەتبارکریان.
لە لێکۆڵینەوەیل دەرکەفت کە هووکار پزیشکی مردن لیام پەین وەلایەن دکتۆر رۆبێرتۆ ڤیکتۆر کۆهینەوە پشتڕاستکرایا کە وە "پۆلیترۆما" ناسریاس، واتە چەندین زەبر قورس کەفێدە وەر ئەندامەیل ناو لەش و وەی مدوو گیان لەدەسداس.
