هەواڵی کوردستان ئێستا

شەفەق نیوز/ بانک ناوەندی عراق، ئمڕوو یەکشەممە، چەسپیان غەرامە وەبان بانکەیل و دامەزراوە نابانکیەیل (کۆمپانیایل پویلئاڵشتکردن) وە بڕ 279 ملیار دینار عراقی، لە ماوەی ساڵی 2024.

لە خشتەی بانکەگە، کە رەسیە ئاژانس شەفەق نیوز ئاژانسی، دەرکەفتیە کە ئەو غەرامە لە ماوەی ساڵ گوزەشتە وەبان بانک و کۆمپانیا داراییەیل چەسپیاس، بڕی 279 ملیار و 144 ملیۆن و 977 هەزار و 628 دینار بویە، ئەوەیش نشانەس ئەرە ئەوە کە “باج و غەرامە 238 سزای کارگێڕییش گردیەسەو” ک ئەو بانک و دامەزراوە نت بانکییەیلە، کە لە ناوەین هوشداری و ئاگادارکردن بەشەو کریانە”.

 لە خشتەگە دەرکەفت کە “مانگ یەکەم فرەترین غەرامە لەبان بانک و دامەزراوە داراییەیل بویە، کە 98 ملیار و 277 ملیۆن و 722 هەزار و 62 دینار بویە، وەگەرد سزای کارگێڕی وە بڕ 17 سزا، و لە مانگ ئەیلول کەمترین غەرامە وەخوەی دیە، کە رەسیەسە 2 ملیار و 331 ملیۆن و 465 هەزار و 48 دینار، و13 سزای کارگێڕی بویە”.

 لە خشتەگە ناو ئەو بانکەیلە ئاشکرا نەویە کە غەرامە لەبانیان چەسپیاس، نەیش سروشت سزا ئیداریەگانیش.

 کۆمەڵەی بەرهەمهاوردن لە بۆرسەی عراق ڕەخنە لە زیایکردن غەرامەکردن بانک ناوەندی عراق گرد و وت؛ کاریگەری لەبان قازانجی بەرهەمهاوردن لە تیرەیل ئەو بانکەیلە بوود.