خوه‌نين باڵاى كوردستان بڕياره‌يليگ له‌باره‌ى خوه‌ندكاره‌يل ده‌يشت ده‌ركرد
شه‌فه‌ق نيوز/ وه‌زاره‌ت خوه‌نين باڵا و توێژينه‌وه‌ى زانستى له حكومه‌ت هه‌رێم كوردستان، شماره‌يگ بڕيار ده‌ركرد له‌باره‌ى ده‌وام خوه‌ندكاره‌يل زانكۆ ك وه‌رده‌وامن له خوه‌نين له دويره‌و وه‌شيوه‌يگ ئه‌لكترۆنى راسه‌وخۆ(ئۆنلاين) له‌ده‌يشت.
وه‌زاره‌ته‌گه له به‌ياننامه‌يگ ئه‌را ئاژانس شه‌فه‌ق نيوز وت: دوياى بڵاوبوينه‌وه‌ى ڤايرۆس كۆرۆنا و ده‌رئه‌نجامه‌يلى و گله‌وخواردن خوه‌ندكاره‌يل له ده‌يشت وڵات و له‌وه‌ر به‌رژه‌وه‌ندى گشتى وه‌گووره‌ى ئه‌و ده‌سڵاته‌يله ك درياسه وه‌زاره‌ته‌گه، بڕيار داگه ئاگادار ئه‌و خوه‌ندكاره‌يله ك وه‌رده‌وامن له خوه‌نين له‌ڕێ ئه‌نته‌رنێت وه‌شيوه‌يگ راسه‌وخۆ، ك ماوه‌ى ئه‌و خوه‌نينه هساو ئه‌كريه‌ێد و ئه‌خريه‌ێده بان ماوه‌ى مه‌ندنه‌وه‌يان له ده‌يشت و داوايش له خوه‌ندكاره‌يل كرد داواكارى و به‌ڵگه‌يل فه‌رمى پيشكه‌ش وه وه‌زاره‌ته‌گه بكه‌ن.
له‌باره‌ى ئه‌و خوه‌ندكاره‌يليشه ك گله‌وخواردنه ئه‌را زانكۆيه‌يليان ك وه‌شيوه‌ى ئۆنلاين وه‌رده‌وامى نه‌يانه‌سه خوه‌نين، دوياى ئه‌و خوه‌نينه ئه‌و ماوى وسيانه ئه‌رايان هساو ئه‌كريه‌ێد و ئه‌خريه‌ێده بان ماوه‌ى خوه‌نين ئه‌رايان.